朝

营业中

休息中

餐廳係還原日式居酒屋果種，地方細細，枱與枱之間就密少少，超級close既感覺！我見好多都系收工過黎happy hour，所以建議提早book位！多謝大佬提早book定，順便慶祝埋October生日既我😘！ ⦁啜啜啫喱柚子酒 $218/支牌子係瀧五郎，酒精味唔濃，有濃烈既柚子味，伴隨啫喱既口感！甜甜地，易入口。值得一試！⦁薄牛豆腐壽喜燒 $158鍋物黎講薄牛好嫩，份量都多，而牛味唔會太重。鍋內除左滑豆腐外，仲有用黎吸壽喜燒汁既油豆腐同埋配菜，口感豐富。 ⦁豚肉荔枝卷 $48 豚肉包住左荔枝肉，唔單止肉係荔枝肉，出面既豚肉一樣塗滿荔枝糖漿。一啖食，肉汁瞬間湧出黎，伴隨濃濃既荔枝味。大推👍🏻 ⦁月見雞肉棒 $68雞肉棒肉質偏淋，入面混埋左少少雞脆骨碎，好有口感！另外沾上日本橙紅橙紅既蛋，肉質更加嫩滑，而且好香蛋味。⦁醬燒飯團 $40用左味素同肉鬆去同飯攪拌，外面塗上醬汁再拎去燒，外面脆卜卜，入面都可以保持濕潤。👍🏻⦁自家製汁燒雞心串/雞肝串 $35/支兩款都係料理長推介，自家醬汁甜甜地。雞心口感彈牙，雞肝都好爽口。⦁燒糖心菠蘿 $35比起其他店既份量多好多，而且燒到勁香，又甜又多汁。