朝

营业中

休息中

餐廳木糸裝橫配上昏黃燈光，加上大量懐舊昭和風圖片，營造出濃濃嘅居酒屋情調，似足置身東京街頭小店，chill得來又夠親切，絕對係朋友夜聚嘅好地方！蜜桃果酒同柚子果酒簡直係開場之星！蜜桃果酒甜美清新，桃香撲鼻，入口順滑似飲愛情嘅甜；柚子果酒則酸爽帶勁，微酸嘅柚子香好醒神，兩款都係夏日解渴神器！芒果蟹籽沙律芒果粒清甜，蟹籽爆口，沙律醬輕盈唔膩，瞬間開胃！燒牛舌厚切彈牙，炭燒香氣撲鼻，咬落汁水四溢，惹味到停唔下來！豆腐簡單卻驚喜，滑嫩如布丁，配上芝麻、蔥花同醬油，平淡中見真章。阿波美雞翼燒到外脆內嫩，雞肉嫩滑多汁，肉質帶點彈性。燒雞頸肉串肉質結實，炭燒嘅煙燻味好正，啖啖滿足。唐揚雞横隔膜則係隱藏珍寶，口感爽脆彈牙，愈食愈過癮。鹽燒白鰻串鰻魚肥美，鹽燒提鮮，入口即化。環境舒服、又抵食仲咁有日本feel,最正而家9點仲有全單6折，下次真係要搵埋其他朋友一齊夜吹晚飯。