影片
更多
2024-04-08
30 浏览
太子高水準居酒屋｜🌙朝Asa復活節連假終於有得抖抖，男朋友話要慰勞下蘑菇前排搵工嘅辛苦，咁我唔客氣梗係要食餐好嘢喇～去到餐廳門口先知原來佢地做緊三週年活動呀～每晚全單8折，21:00後入座仲可享有6折優惠tim！步入餐廳，清幽靜謐嘅日式氛圍撲面而來，以月亮為主題元素嘅裝潢配搭木質餐枱，令人安心愜意。牆面亦裝飾手寫餐單同各式酒樽，好有居酒屋feel～以下係蘑菇極力推介嘅食物：✿軟殼蟹沙律（$78）足料大大隻軟殼蟹，清新沙律不失為一道理想的開胃前菜✿海膽帆立貝海苔包（$128）今餐蘑菇最鍾意嘅一款，新鮮肥美的帆立貝配搭海膽同大大粒魚籽，成口食晒超滿足✿自家製醬汁鵝肝豆腐（$98）第一次嘗試鵝肝同豆腐嘅組合，鵝肝勁厚，肥而不膩，同豆腐嘅口感和諧融合，蔥絲增添清新香氣✿黑豚肉包溏心蛋（$55）好考功夫嘅一款串燒。薄脆黑豚肉包裹住入口即化嘅溏心蛋，口感層次超豐富✿大蔥雞肉串（$35）京蔥一直都係蘑菇至愛，最啱燒黎食～今次配搭外焦內嫩嘅雞肉串，香氣喺口中蔓延✿燒味淋魚乾（$88）以前喺燒肉舖食過一次覺得偏乾，但呢款魚乾燒到恰到好處，keep到彈牙厚實嘅口感同魚油香✿牛肉壽喜燒（$228）- $88
復活節連假終於有得抖抖，男朋友話要慰勞下蘑菇前排搵工嘅辛苦，咁我唔客氣梗係要食餐好嘢喇～
去到餐廳門口先知原來佢地做緊三週年活動呀～每晚全單8折，21:00後入座仲可享有6折優惠tim！
步入餐廳，清幽靜謐嘅日式氛圍撲面而來，以月亮為主題元素嘅裝潢配搭木質餐枱，令人安心愜意。牆面亦裝飾手寫餐單同各式酒樽，好有居酒屋feel～
以下係蘑菇極力推介嘅食物：
✿軟殼蟹沙律（$78）
足料大大隻軟殼蟹，清新沙律不失為一道理想的開胃前菜
✿海膽帆立貝海苔包（$128）
今餐蘑菇最鍾意嘅一款，新鮮肥美的帆立貝配搭海膽同大大粒魚籽，成口食晒超滿足
✿自家製醬汁鵝肝豆腐（$98）
第一次嘗試鵝肝同豆腐嘅組合，鵝肝勁厚，肥而不膩，同豆腐嘅口感和諧融合，蔥絲增添清新香氣
✿黑豚肉包溏心蛋（$55）
好考功夫嘅一款串燒。薄脆黑豚肉包裹住入口即化嘅溏心蛋，口感層次超豐富
✿大蔥雞肉串（$35）
京蔥一直都係蘑菇至愛，最啱燒黎食～今次配搭外焦內嫩嘅雞肉串，香氣喺口中蔓延
✿燒味淋魚乾（$88）
以前喺燒肉舖食過一次覺得偏乾，但呢款魚乾燒到恰到好處，keep到彈牙厚實嘅口感同魚油香
✿牛肉壽喜燒（$228）
- $88追加A4和牛
足料壽喜燒鍋包括多款配料，有金菇、冬菇、豆腐、娃娃菜、京蔥、皇帝菜等，配一款牛肉，我哋又忍唔住加咗塊A4和牛，撈埋蛋汁滑嫩無比
✿山梨蜜桃日本果酒（$58/杯）
水果香氣十足，好啱女仔飲用，大杯抵飲！
✿威士忌梅酒（$78/杯）
酸甜梅酒中和返威士忌剛烈的苦澀味，比例啱啱好
除咗嘢食高質之外，服務都勁有質素，侍應會關注我哋食嘢嘅進度再逐個上餐點，好貼心，令今餐食到好滿意舒心
张贴
