朝

营业中

休息中

呢間居酒屋都幾有人氣而且樓底夠高冷氣又夠，成班朋友都覺得坐得舒服！✨炸吉列蠔都幾大隻而且炸得好鬆脆，蠔入面幾Juicy！一咬開簡直係爆汁！✨甲羅燒即叫即整所以製作需時，店員同我哋講嗰隻鵪鶉蛋要同啲蟹肉同蟹膏撈勻先食得！真係超級邪惡，一絲絲嘅蟹肉鮮甜，而且蟹膏都好鮮味唔會太鹹！同埋呢間餐廳提供鱈魚干俾我哋托住嚟食，真係超級有誠意，鱈魚干咸香可以帶出蟹肉嘅鮮甜！✨鹽燒多春魚多春魚燒得一啲都唔乾，而且唔會因為係鹽燒而係太過鹹！師傅火候控制得好好！✨朝玉子燒玉子燒軟綿綿好好味，而且蛋嘅甜味配上蛋香真係好正！✨薄牛豆腐壽喜燒壽喜燒湯底調校得好好，唔會太鹹，啲蔬菜索晒啲壽喜燒汁超好食！薄牛份量都幾多而且牛肉都有啲質素保證！記住將啲牛肉沾落啲蛋漿度，咁樣牛肉就會更加滑！✨豬骨濃湯豬軟骨烏冬烏冬好滑！而且豬骨濃湯烏冬上到嚟嘅時候好香！豬軟骨都算幾軟林林，呢個菜式性價比好高！日本果酒（柚子、蜜桃）果酒酒精濃度不高，而且大大杯可以飲足成餐！柚子味果酒甜得來有一抹輕輕的澀味，朋友都覺得味道很有趣！蜜桃味果酒味道清新而且甜潤，女孩子非常喜愛呢！