魂 (已結業)

太子一向比我嘅感覺都係比較住宅區，而且比較少嘢食，有個朋友推介一間叫魂拉麵嘅拉麵店，話佢係由銅鑼灣搬過黎，一於就試一試。位於酒吧街嘅拉麵店唔算易認，入到去都唔算多人，一坐埋位就見到有部iPad for點餐，都幾先進同易用，而且可以選擇唔同嘅麵質、味道、配料等等。我同友人叫咗一個 太極拉麵同一個青龍拉麵，兩款都係$99，另加咗隻溫泉蛋～太極拉麵由豬骨湯加墨魚汁製成，食落墨汁味幾濃，因為佢地湯底主打濃湯，所以湯係會比較少的，仲有個蟹膏醬係面，麵質都係唔錯，不過份量就有d少啦～如果你好大食可能要加替玉。青龍拉麵就係有菠菜汁加豬骨湯製成，蔬菜味都係濃嘅，而且個糖心蛋整得唔錯，蛋心同蛋白都夠嫩，所以我哋再encore多一份。其實呢度環境算幾舒適，可能因為太隱世，冇乜人之所以坐得幾舒服，不過都想支持下香港小店！