影片
更多
2020-10-15
10 浏览
前幾日，因為我的好朋友最近搬左屋，就去佢的新屋到搞搞震，玩下咁，因為佢住太子個頭，佢話有一間平時有得食點心，夜晚就可以食打邊爐的餐廳，就襯機會去食吓，因為佢都未食過，想係附近搵下有咩正嘢食。原來餐廳的邊爐係單碟叫的，佢都有好多唔同款的湯底揀，我地最後決定要蕃茄湯底，之後就揀左鴛鴦墨魚蝦滑、醉雞半隻、蜂巢凍豆腐、響鈴同淮山麵，再叫左一渣洛神花茶。湯底好快就到，見到都嚇親，因為成個面盤咁大，個湯底味道好濃，而且酸甜道啱啱好，唔知係咪因為用的係靚蕃茄，因為食蕃茄時真係好甜，可能就係咁令到個湯咁正。至於洛神花茶都好大樽，大約有一公升左右，酸酸微微，有少少似酸梅湯，入面有山渣味，洛神花味都好出，飲得出係自家製，加上唔係太甜，所以都好啱我呢啲唔多食甜的人飲。鴛鴦滑方面佢外觀又好精緻，係鯉魚型，賣相已經好靚，我比較鍾意蝦滑多啲，食到有蝦粒至於又彈牙。醉雞就係用花雕醃制過，好香濃的酒味，即使淥完之後都仲食至表面有花雕味。蜂巢豆腐配埋個蕃茄濃湯底簡直一絕，因為豆腐入面可以索晒啲蕃茄湯，超級好味，又飽又抵食。淮山麵本身都已經唔錯，一來淮山麵都比較健康，二來佢又係勁索湯，令到條條麵都好入味，好好食，不知不覺
原來餐廳的邊爐係單碟叫的，佢都有好多唔同款的湯底揀，我地最後決定要蕃茄湯底，之後就揀左鴛鴦墨魚蝦滑、醉雞半隻、蜂巢凍豆腐、響鈴同淮山麵，再叫左一渣洛神花茶。
湯底好快就到，見到都嚇親，因為成個面盤咁大，個湯底味道好濃，而且酸甜道啱啱好，唔知係咪因為用的係靚蕃茄，因為食蕃茄時真係好甜，可能就係咁令到個湯咁正。
至於洛神花茶都好大樽，大約有一公升左右，酸酸微微，有少少似酸梅湯，入面有山渣味，洛神花味都好出，飲得出係自家製，加上唔係太甜，所以都好啱我呢啲唔多食甜的人飲。
鴛鴦滑方面佢外觀又好精緻，係鯉魚型，賣相已經好靚，我比較鍾意蝦滑多啲，食到有蝦粒至於又彈牙。
醉雞就係用花雕醃制過，好香濃的酒味，即使淥完之後都仲食至表面有花雕味。
蜂巢豆腐配埋個蕃茄濃湯底簡直一絕，因為豆腐入面可以索晒啲蕃茄湯，超級好味，又飽又抵食。
淮山麵本身都已經唔錯，一來淮山麵都比較健康，二來佢又係勁索湯，令到條條麵都好入味，好好食，不知不覺可以食好多，加上38蚊有兩底，其實都好抵。
自家制響鈴真係超級推介，因為佢好脆，佢係小食，所以可以就咁食，就咁食就脆，同食到腐竹本身的味，亦都可以加佢個甜酸汁，味道就無咁悶，多左好多層次，但係更上一層樓的居然係浸左個蕃茄濃湯，我浸左大約一至兩秒，個響鈴表面吸晒蕃茄湯，天然的酸甜蕃味，入面脆卜卜，外軟內脆，極具口感。
今次同朋友食呢一餐真係好滿足，好多嘢都好高質同好好味，特別係蕃茄湯底真係無得輸。以下評分以5⭐️為滿分 ⭐️⭐️⭐️⭐️
张贴
