影片
更多
2025-04-23
164 浏览
火鍋同雞煲成日都食，近排試咗喺太子呢間，真係全部用靚料，絕對會食過返尋味！首先試咗佢哋啲小食，樣樣都做得好出色！最喜歡一定係椒鹽鮑魚，以椒鹽形式整令本身鮮味彈牙嘅肥美鮑魚更惹味；脆炸牛坑腩喺出面食，好多時都整得好乾，但呢個外層酥脆之餘，內裡肉質仍然鮮嫩多汁，牛味亦好濃郁；蝦多士找到好脆身仲有滿滿芝麻香，咬落唔會覺得好油膩，內層蝦膠仲好彈牙～小食完之後就準備主菜雞煲啦～一共叫左兩款，分別係花甲雞煲同竹笙濃湯雞煲。花甲雞煲好多地方都係用冰鮮雞黎整雞煲，但呢度就可以選擇提前預訂新鮮雞，味道同口感真係唔一樣架！花甲份量好多～仲額外加配左日本帶子，超級肥美！雞煲叫咗小辣，調味非常足，好惹味～竹笙濃湯雞煲必定必定要先飲幾啖先！因為真係鮮甜到不得了🤤用上嘅鮮竹笙皇係非常大條！仲有蟲草花同花膠～而火鍋料方面，強烈推薦手切肥牛同極品黑豚肉！個牛丸又juicy又彈牙～仲有個油炸鬼墨魚滑（就咁食又得，打邊爐又得！）
首先試咗佢哋啲小食，樣樣都做得好出色！
最喜歡一定係椒鹽鮑魚，以椒鹽形式整令本身鮮味彈牙嘅肥美鮑魚更惹味；
脆炸牛坑腩喺出面食，好多時都整得好乾，但呢個外層酥脆之餘，內裡肉質仍然鮮嫩多汁，牛味亦好濃郁；
蝦多士找到好脆身仲有滿滿芝麻香，咬落唔會覺得好油膩，內層蝦膠仲好彈牙～
小食完之後就準備主菜雞煲啦～一共叫左兩款，分別係花甲雞煲同竹笙濃湯雞煲。
花甲雞煲
好多地方都係用冰鮮雞黎整雞煲，但呢度就可以選擇提前預訂新鮮雞，味道同口感真係唔一樣架！花甲份量好多～仲額外加配左日本帶子，超級肥美！雞煲叫咗小辣，調味非常足，好惹味～
竹笙濃湯雞煲
必定必定要先飲幾啖先！因為真係鮮甜到不得了🤤用上嘅鮮竹笙皇係非常大條！仲有蟲草花同花膠～
而火鍋料方面，強烈推薦手切肥牛同極品黑豚肉！個牛丸又juicy又彈牙～仲有個油炸鬼墨魚滑（就咁食又得，打邊爐又得！）
张贴
