KIN (已結業)

開業時安排混亂，App難用是我對KIN的第一印象，我們打工仔只有1小時多的午膳時間，如果等餐時間長，價錢貴，會一肚氣。但自從上月起，佢哋推出不同優惠及每星期有菜式推介，我決定俾多次機會佢哋，去左3次之後寫左我第一個食評。例牌電梯上去2樓，自由入座，有Kiosks或者App落單，App用Promo Code有折，從新下載個App (之前Del左)，第一時間發現個App順左，d圖出得快左，條Banner仲顯示當期新菜式，睇左一陣，點左有”辣死你媽”之稱的印尼椰漿飯。等左7至8分鐘，去E Counter攞餐，夠熱夠份量第一啖入口，個椰漿飯撘住d魚仔花生食，好有滿足感，兩件雞用香料餣得夠香唔會太咸，一咬仲要爆脆，辣親個嘴添仲依家食飯仲送一杯烏龍茶，食飽飲啖茶去一去油，剛好食飽之後仲有成半個鐘響個舒適環境下碌下手機。食到第三次，我對呢度係改觀既，佢哋好似真係聽到或見到(其實唔難)自己既不足，有改善個App，食物選擇，出餐時間等等。所以作為太古坊上班族，都有責任留個食評推介下大家去呢度。