鍋先生海鮮火鍋菜館 (已結業)

好耐都冇打邊爐食雞煲，趁住天氣轉涼兩日，就去食朋友推薦呢間鍋先生，貪佢有刺身、前菜同種類多元化。一入到餐廳，我地就即刻落左個雞煲，冇幾耐就俾左呢個醬料存俾我地，裡面種類好多，有辣椒、炸蒜、生蒜、蔥、芫茜、XO醬、花生醬。咁我地啦啦臨就揀左醬汁之後，冇幾耐雞煲就黎左。飽魚雞煲嘩，見到有4隻飽魚放係面，仲有豬皮，仲有大量蔥同芫茜，份量都好多又好香我地個雞煲食都好似食唔完咁🤣呢個雞煲除左睇得之外，味道都調教得好好。因為又唔會太辣、又唔會太咸同油。雞肉都好滑，好香又好食。我地食完個雞煲，就想開始食火鍋。侍應好好，問我地想要就咁加湯定換個湯底。因為我地都想食得健康d，所以我地就索性換個蔬菜🥬湯底。蔬菜🥬湯底顧名思義就即係湯底以蔬菜為主，個湯一上黎我地真係有喜出望外既感覺，裡面又有冬菇、秀珍菇、娃娃菜、栗米，真係真材實料任食火鍋包：刺身、海鮮拼盤、靚牛仔粒、牛肉片任食火鍋包刺身都算唔錯，而且質數都唔錯，帶子鮮甜、蝦就肥美而且海鮮拼盤都唔差，有聖子、蜆仔、花甲、中蝦等等。牛肉方面，睇相都知係靚野。真係又有牛味、又嬾口。豚肉、各種丸類、脆肉脘、蔬菜、豆腐、面、各種前菜等等，真係應有盡有，個個都食到攬住