老百姓火鍋刺身 (已結業)

天氣轉涼又係打邊爐嘅好時機啦! 今次我落左太子同深水埗之間嘅位置搵到間邊爐店，咁岩肚餓就緊係食啦。嗌完野食就當然指定動作，調醬料啦！今次叫左個妙計錦囊湯，其實係豬肚包雞湯，好得意，店員叫我地飲左啖湯先，之後佢幫手切埋豬肚同雞，好細心，抵讚！佢啲刺身都正喎，雖然唔可以放題咁狂叫，但係叫盤黎過下口癮都唔錯。作為重口味人士，叫蒜泥白肉係好合理嘅，白肉包住塊青瓜，食落都唔會油膩呀。陳年花雕肥牛呢個又係推薦之選，好香花雕酒味，又好多片，真心正。水餃皇同黑松露餃都係好好食，內餡包滿。之後再黎個肥牛，食個飽。見到餐單有鴨血，基本上都會嗌，呢個唔錯。手打牛丸望落真係好似食神套野個粒，食落都有驚奇。食到咁上下，有個甜品就個完美ending都不錯不錯。整體上黎講，啲食物質素都高質，第一次黎可能都要搵搵，不過黎食一次就知道值得黎。