大一海鮮火鍋料理 (已搬遷) 新店位置

天氣凍又食熱又食，打邊爐人人愛，今次揀左個個都就腳既尖沙咀寶勒巷個頭既大一海鮮火煱，格調幾好，仲有好多野食平時出面火煱都未必食到！話晒出得黎食緊係要食好d，叫左亞拉斯加長腳蟹凍食，師傅仲要幫我地分開左幾件，方便我地食，冰震蟹肉好鮮甜好味又啖啖肉，蟹殼d膏又多，雖然唔算平，但真係物有所值，好正呀！魚刺身，鮮甜爽口，切得厚薄適中排得靚靚，片片晶瑩剔透，食火煱之前嘆番轉靚刺身，爽一爽！本地肥牛一睇就知新鮮，牛肉味好重，肥瘦比例適中，色澤又均衡，薄薄一片片，滾兩滾就食得！大大粒自家製四寶丸，粒粒新鮮打製爽口彈牙，墨魚丸特別好味，蝦丸特別鮮甜彈牙！白雪雪女王粉，煙煙韌韌有少少似烏冬，口感非常唔錯！椒鹽斑塊，炸得好金黃香脆，再係面頭放上椒鹽蒜粒，鹹鹹地非常惹味！