柞木炭家

营业中

休息中

呢間韓國餐廳好多人幫襯，book了位都等咗15分鐘以上。見咁多人等位，估計應該幾正，我等~餐廳個門口係正商場平台花園出入口，大家等位時，可以出去行吓，好多人係平台座，休息。不過當日太熱了，我冇出去行。呢間餐廳有室外位，估唔到咁熱都多食客人願意室外韓燒⋯⋯佩服入座後，待應送上幾款小菜，全部也可任加，不過當日有一兩款第一碟後就話冇晒了⋯⋯可惜。覺得泡菜好好食，味道正宗。三人叫了一個2人餐再加一個人參雞湯，有一碟牛，魷魚，蝦兩隻，仲有小小蔬菜。主食選了泡菜湯跟白飯，甜品冇食到。牛肉係靚嘅，海鮮分量有啲少，呢個價錢呢個質素合格，可接受。個人參雞湯好大煲，料多，雞都好大隻同肉嫩，個湯味道濃啲更好，食唔到參味。座位都舒服，環境較暗但都可以，係中間位置嘅枱有點逼。