影片
更多
2016-07-19
614 浏览
天氣超熱, 陽光普照下的黃昏, 忽然想到了煲仔飯, 簡直有些少奇異, 下午五時半, 少客, 座位任坐, 搵個有冷氣風口, 但吹出來的冷氣都有微微暖風, 有些少無奈... 阿姐各有各忙, 未有空招呼我這件蛋散, 唯有等多一陣, 順便出去隔離士多買枝凍茶.都有半年無幫襯, 尚記得上次來時, 只有啤酒可以外帶入來, 汽水或茶都要在店內幫襯, 但今次阿姐叫我自己出去買, 真係... 好生意到.... 飲品都費事出售了... 臘腸排骨飯, 煲仔飯上檯, 我最滿意此店的排骨, 全用一字排切成小件, 差不多件件有骨有肉, 肥瘦各佔三七比例, 肉質未算最好, 但也有六、七十分, 如果不考慮格位和環境, 算滿意了. 還有那件臘腸, 真是又恨又愛, 這般的大排檔店, 真係唔知道入貨來源, 尤其是臘腸這類高風險的食物, 但實在忍不到口, 心諗...半年一次, 死唔去啩... 哈哈哈此店所用的白米, 曾見過店門口有人送貨, 是泰國的金羽紅, 網上查一查, 另一位食家也搵到詳細資料, 屬於最平價貨, 但食落又不太差, 起碼飯粒沒有爛頭爛尾, 但入口偏淋, 煙韌度不足, 網上有食家上載了餐飲入貨米價供參考: 金嘉
天氣超熱, 陽光普照下的黃昏, 忽然想到了煲仔飯, 簡直有些少奇異, 下午五時半, 少客, 座位任坐, 搵個有冷氣風口, 但吹出來的冷氣都有微微暖風, 有些少無奈...
阿姐各有各忙, 未有空招呼我這件蛋散, 唯有等多一陣, 順便出去隔離士多買枝凍茶.
都有半年無幫襯, 尚記得上次來時, 只有啤酒可以外帶入來, 汽水或茶都要在店內幫襯, 但今次阿姐叫我自己出去買, 真係... 好生意到.... 飲品都費事出售了...
臘腸排骨飯, 煲仔飯上檯, 我最滿意此店的排骨, 全用一字排切成小件, 差不多件件有骨有肉, 肥瘦各佔三七比例, 肉質未算最好, 但也有六、七十分, 如果不考慮格位和環境, 算滿意了. 還有那件臘腸, 真是又恨又愛, 這般的大排檔店, 真係唔知道入貨來源, 尤其是臘腸這類高風險的食物, 但實在忍不到口, 心諗...半年一次, 死唔去啩... 哈哈哈
此店所用的白米, 曾見過店門口有人送貨, 是泰國的金羽紅, 網上查一查, 另一位食家也搵到詳細資料, 屬於最平價貨, 但食落又不太差, 起碼飯粒沒有爛頭爛尾, 但入口偏淋, 煙韌度不足, 網上有食家上載了餐飲入貨米價供參考: 金嘉禾(舊)50kg每包$ 395.00, 金嘉禾25kg每包$ 200.00, 玉鳳香米25kg每包$ 260.00, 金豬香米25kg每包$ 220.00, 金味丹香米25kg每包$ 170.00, 金水晶香米25kg每包$205.00, 金羽紅米25kg每包$ 165.00, 北大荒珍珠25kg每包$ 160.00, 袋鼠米25kg每包$ 250.00, 櫻城米25kg每包$ 220.00, 雙羊米25kg每包$ 280.00
张贴
