潮福蒸氣火鍋 (已結業)

今日天寒地凍，今次唔係打邊爐，係約左朋友去食蒸氣鍋。潮福有唔少分店，不過今次揀左位於我們的中心點深水埗。講多無謂，每人先黎一盅螺肉湯，唔多覺有味精，不過就唔見有螺肉。乳鴿每人就有半隻，熱辣辣出黎好香，皮脆脆，肉無炸到乾哂。再黎的係4款海鮮！先黎一份蜆，size雖然細細隻，但蒸完好有蜆既甜味。然後就到貴妃蚌同元貝。貴妃蚌size都唔細隻，而且都好有肉。元貝蒸完有少少縮左水，不過同埋蒜蓉同粉絲一齊蒸，味道好惹味。到左鮑魚及龍蝦！鮑魚非常厚肉，有咬口但難咬開。龍蝦好鮮甜厚肉，D肉一叉就可以成舊起出黎。另外，龍躉肉淋得黎唔會散，加埋蒜蓉調一調味，令到魚肉更香口。由於有朋友唔太食得牛，所以主要食雞肉。雞蒸完好嫩滑，調味調得岩岩好。一開蓋就聞到好香既粟米味，味道仲要非常之甜。手打丸好彈牙, 口感唔錯。薑汁糕的薑味比想像中重好多，不過唔算好辣。馬拉糕一蒸完即食特別鬆軟，所以我們都encore左幾舊。最後就到本身個粥底！所有野食既精華都落哂去，個粥好香好甜。但我地忘記到最後仲有粥食，雖然好味不過食唔哂。大家記住留肚呀！==============================鍾意我的分享的，我邀請你