微笑Box (已結業)

呢間微笑box，如果唔係寫食評，真係唔知佢個名咁可愛，係我嘀舊同事帶我黎食㗎！佢冇得book，鋪位唔大，要排隊㗎！但勝在流動率高，所以都唔算等得耐～坐得有嘀迫，不過同事介紹得，通常都好食我對泡菜係有嘀迷之執着，雖然食完個人好大浸味，但我真係戒唔到呀！一見佢有泡菜豆腐湯，諗都冇諗就嗌，完全唔理一個湯送飯係幾咁齋，只係想滿足一稞泡菜嘅心！好快，十分鐘就到，好彩佢都有兩隻餃子，但我完全俾個湯吸引咗！飲一啖！就係我要嘅野呀！又夠濃夠辣，豆腐又滑，簡直天堂！第二次去，就因為第一次太驚為天人！對佢有所鬆懈，我見人哋叫咗一個炒年糕，個樣好似好好食咁，好奇害死貓.....我唔想再提，好甜，甜到....如果愛情有咁甜就好嘞！溫馨提示：唔好嗌。