宴．鐡板燒 (亨環‧天后)

营业中

休息中

試咗「特選和牛套餐」。套餐份量十足，味道好，菜式精緻。聽餐廳侍應講，由於菜式要預先準備，這套餐要預先喺OpenRice預訂，或者打電話餐廳提早通知。首先上枱嘅係 「自家製醬汁煮南非鮑魚」，鮑魚煮得彈牙入味，醬汁帶少少甜，好夾！跟住係 「季節刺身 3款」，今日有大池魚，真婤及油甘魚，全部都新鮮！之後係「金鎗魚腩手卷」，吞拿魚腩及紫蘇配合得很好。「季節吸物」係魚湯，美味。重點菜式係「野生生猛龍蝦」，龍蝦肉爽口彈牙，推介！「香煎鵝肝」外脆內軟，入口即化，醬汁帶少少酸甜，解膩又提味。另一主角 「日本宮崎和牛」油脂分布均勻，肉汁爆出!最後仲有 「煙肉香蒜炒飯」同 「炒雜菜」，餐廳選用日本煙肉，味道比平常嘅冇咁鹹，配合炒飯非常美味。甜品係抹茶布甸及大福，甜度適中！呢個套餐性價比高，仲有維港靚景。🔸自家製醬汁煮南非鮑魚🔸季節刺身 3款🔸金鎗魚腩手卷🔸季節吸物🔸野生生猛龍蝦🔸香煎鵝肝伴自家制醬汁🔸日本宮崎和牛🔸煙肉香蒜炒飯🔸是日精選甜品