影片
更多
2023-10-15
251 浏览
喺網上見有人介紹永興街有間隱世小店，主打煲仔飯同丼飯，咁啱今日要嚟天后攞啲嘢，趁機過嚟試下。餐廳裝修得骨子企理，地方頗大，店面開揚光猛，牆身以貼滿了食物相片嘅木板作裝飾，加上樓底夠高，完全無壓逼感。餐廳採 QR Code 形式自助落單，餐牌包羅萬有，除了大飯桶煲仔飯同日式丼飯外，仲有魯肉飯、泰式紅咖哩煲、野菜鍋、招牌燉湯同開胃小吃等供應。點咗黃鱔煲仔飯 同 臘味糯米煲仔飯。台山豉汁果皮黃鱔煲仔飯 ($98) 黃膳蒸熟拆肉後，再加入薑絲、陳皮醃至入味，鱔肉夠肥美，細嫩又冇泥味。煲仔飯火候控制得宜，飯粒乾身分明，均勻地沾上豉油，配合煲底脆脆嘅飯焦，味道甚佳👍🏼另外呢客西環臘味糯米煲仔飯 ($86) +臘腸 ($15) 水準亦一流，飯同材料分佈平均，糯米飯處理得啱啱好，粒粒煙韌可口，臘腸肥瘦比例適中、臘肉甘香味鮮，其他配料就仲有火腿、蛋絲同合桃等，非常豐富，食完好飽肚。
喺網上見有人介紹永興街有間隱世小店，主打煲仔飯同丼飯，咁啱今日要嚟天后攞啲嘢，趁機過嚟試下。
餐廳裝修得骨子企理，地方頗大，店面開揚光猛，牆身以貼滿了食物相片嘅木板作裝飾，加上樓底夠高，完全無壓逼感。
餐廳採 QR Code 形式自助落單，餐牌包羅萬有，除了大飯桶煲仔飯同日式丼飯外，仲有魯肉飯、泰式紅咖哩煲、野菜鍋、招牌燉湯同開胃小吃等供應。
點咗黃鱔煲仔飯 同 臘味糯米煲仔飯。
台山豉汁果皮黃鱔煲仔飯 ($98) 黃膳蒸熟拆肉後，再加入薑絲、陳皮醃至入味，鱔肉夠肥美，細嫩又冇泥味。煲仔飯火候控制得宜，飯粒乾身分明，均勻地沾上豉油，配合煲底脆脆嘅飯焦，味道甚佳👍🏼
另外呢客西環臘味糯米煲仔飯 ($86) +臘腸 ($15) 水準亦一流，飯同材料分佈平均，糯米飯處理得啱啱好，粒粒煙韌可口，臘腸肥瘦比例適中、臘肉甘香味鮮，其他配料就仲有火腿、蛋絲同合桃等，非常豐富，食完好飽肚。
张贴
