影片
更多
2024-08-31
559 浏览
講到明係絕對會去第二次鐵板燒，因為慶祝屋企人生日，所以特別帶佢試吓鐵板燒，佢一直都冇食過。食完之後佢覺得好享受，特別係睇住師傅料理嘅時候，屋企人都係咁影相。而師傅都會好用心咁樣逐個逐個菜式介紹，而家做緊優惠就更加值得去食。個海景真係一流，但係已經有其他客人揀咗個靚位，下次一定要坐近窗嗰邊。‣ 感謝祭限定大激賞套餐 $800/person· 季節前菜湯葉相當滑溜，果然係京都名物。而水雲同埋淮山嘅搭配都幾得意，爽口滑溜，酸酸甜甜好開胃。而黑梅貝肉質彈牙，味道甘甜帶嚼口，作為開胃菜好唔錯。· 白松露櫻花鯛魚薄切‼️相當驚艷‼️鯛魚相當鮮甜，真係一啲腥味都冇，而且就咁搭配白松露同埋淡雪鹽已經好好食，如果用豉油反而會掩蓋咗本身魚嘅鮮甜味。· 深海池魚 & 右口魚邊池魚處理得相當好，味道鮮甜，亦都一樣係毫無腥味，亦都唔需要點豉油。至於右口魚邊比較少食，冇諗過咬落去嘅時候嗰啲魚油嘅香真係爆曬出嚟，油脂真係非常豐厚，而且食嘅時候有入口即溶嘅感覺，同樣都帶咗驚喜俾我。· 野生生猛龍蝦‼️超級推薦‼️龍蝦真係超級好食，肉質相當彈牙，口感紮實。而最吸引嘅係龍蝦嘅醬汁，佢係用龍蝦嘅蝦膏去調配，如果擔心味道太過濃郁而太
‣ 感謝祭限定大激賞套餐 $800/person
· 季節前菜
湯葉相當滑溜，果然係京都名物。而水雲同埋淮山嘅搭配都幾得意，爽口滑溜，酸酸甜甜好開胃。而黑梅貝肉質彈牙，味道甘甜帶嚼口，作為開胃菜好唔錯。
· 白松露櫻花鯛魚薄切
‼️相當驚艷‼️鯛魚相當鮮甜，真係一啲腥味都冇，而且就咁搭配白松露同埋淡雪鹽已經好好食，如果用豉油反而會掩蓋咗本身魚嘅鮮甜味。
· 深海池魚 & 右口魚邊
池魚處理得相當好，味道鮮甜，亦都一樣係毫無腥味，亦都唔需要點豉油。至於右口魚邊比較少食，冇諗過咬落去嘅時候嗰啲魚油嘅香真係爆曬出嚟，油脂真係非常豐厚，而且食嘅時候有入口即溶嘅感覺，同樣都帶咗驚喜俾我。
· 野生生猛龍蝦
‼️超級推薦‼️龍蝦真係超級好食，肉質相當彈牙，口感紮實。而最吸引嘅係龍蝦嘅醬汁，佢係用龍蝦嘅蝦膏去調配，如果擔心味道太過濃郁而太膩嘅話，仲可以用檸檬汁做搭配。最好老實講用咗檸檬真係嘥咗個醬汁，超級鍾意而且真係齒頰留香。
· 三文魚籽配北海道帆立貝
好欣賞佢嘅三文魚子係自家醃製，確實比起出邊其他三文魚子係比較甘甜而唔係鹹味較重。佢嘅北海道帆立貝超大隻，肉質相當彈牙，師傅都燒得恰到好處，保留成個帆立貝嘅鮮味。包裹住帆立貝嘅就係海苔湯，令到食嘅時候有唔同嘅層次感，我都相當鍾意。
· 美國牛柳
即使係美國牛柳，但係佢都將呢一塊牛肉所有嘅優點都發揮咗出嚟。牛柳分咗薄切同埋厚切，我就嗌咗五成熟，睇住師傅料理嘅時候覺得好療癒。而薄燒牛柳就會包裹住蔥花同埋蒜片，唔會淨係食塊肉咁寡之餘，味道又會豐富咗唔少。
· 鐵板炒飯
即使係炒飯，但係佢都唔馬虎，面頭灑滿咗一堆櫻花蝦，師傅都特別提醒我哋唔好一次過撈勻晒，逐啲逐啲食嘅時候口感更佳。啲櫻花蝦嘅香味搭配啱啱炒好嘅炒飯真係一流，而且脆卜卜嘅櫻花真係令到個炒飯變得更加吸引。
· 鐵板雜菜
佢嘅鐵板雜菜隔離有自家製嘅醬汁伴碟，有啲似XO醬，但係食落口嘅時候覺得勁香，相當濃郁嘅海鮮味，三兩下就將個雜菜食晒。
· 季節濃魚湯 & 是日甜品
佢哋魚湯飲落都知道係自家熬製，相當濃郁，真係魚香撲鼻，就算食到呢個時候覺得好飽，我都忍唔住飲晒成碗湯。抹茶布丁唔係第一次食，好多Omakase或者鐵板燒都會用抹茶布丁作結，但可以話我覺得佢嘅抹茶布丁奶香比較重，口感更滑溜，完全冇敷衍嘅感覺。
张贴
