虎嘯日式蒸氣海鮮刺身專門店 (亨環‧天后)

营业中

休息中

今日約咗朋友過嚟天后食飯，餐廳主要食日式風味海鮮蒸鍋，一個套餐有十幾種，又有雞肉，烏冬，蔬菜和甜品，有前菜，小食，主菜都有齊晒。我哋就嚟睇吓有咩食啦！阿拉斯加長腳蟹🦀超大隻阿拉斯加長腳蟹，蟹腳真係好似我手臂咁長，而且又粗壯超多蟹肉，蟹肉鮮甜得來又結實，真係新鮮好滋味。刺身頭盤🍱非常豐富嘅刺身拼盤，花龍蝦刺身、象拔蚌、油甘魚、北海道帶子、銀鱈魚、酒漬赤蝦、北寄貝。發龍蝦刺身我真係第一次食，甜到不得了，肉又鮮又甜。帶子肉質柔軟，入口又滑又鮮甜。蘇格蘭刺身帶子🦪呢隻蘇格蘭嘅帶子非常大隻，廚師將太子切片再配合海草和西京麵豉一齊蒸，帶子及左西京麵豉嘅味道，帶子嘅鮮甜味中帶有麵豉嘅鹹味，味道非常豐富，配上海草一齊食整個口感即刻昇華。甲羅蒸烏冬🍜烏冬本身都已經好好食，口感又彈牙，再用甲羅一齊蒸充滿蟹鮮味。連湯汁都要飲晒先至最識食。