坐忘 (已搬遷) 新店位置

天后同大坑一帶係充滿童年回憶既地方，基本上以前每個星期都會係度出現。今日舊地重遊，黎到天后呢間由日本人開設既#坐忘，餐廳主打日式家常菜，多菜少油又無味精！岩晒d注重健康飲食均衡既朋友！🇯🇵 今次叫左佢地招牌既豬軟骨野菜咖哩飯—個豬軟骨真係好出色，炆得超腍而且好入味，d骨腍到溶溶地再痴住d肉，大大啖骨膠原咁入口，真係腍到無牙都食到！可以話係近期覺得最好食既豬軟骨，另外個咖喱汁好香，送埋佢地誠意既黃金粟米蛋飯，大滿足！西班牙黑豚豬頸肉野菜咖喱飯豬頸肉大塊又爽口，口感好好，完全無肉腥味，再配合我鍾意既翠玉瓜同其他蔬菜，營養夠晒均衡！好似我咁，鍾意食住家飯既你地，不妨嚟到#坐忘，試下日系住家飯啦！