天吉屋 (已結業)

天吉屋來自東京，於2013年創業，連續五年榮獲日本當聯盟天當金賞獎，終於在香港朗豪坊開分店。平日應該係大排長龍，但今日因為8號風球嘅關係，所以無需排隊就直入店舖，並開始點餐。桌上有牛蒡、蘿蔔是免費飲食的。點餐後店員會先付上，一大碗新鮮生菜絲，連有子醬汁一支，生菜是可以無限添加的，生菜是非常新鮮，而且爽甜，不知不覺我已經食咗兩碗。我和朋友分別點了招牌天吉丼($118)和天幕御膳($148)。招牌天吉丼($118) 呢個係已榮獲連續五年日本丼聯盟天丼金賞獎嘅丼飯，當然要試，天丼嘅米飯是大有來頭的，用上了北海道七星米，所以每粒飯都大大粒，而且晶瑩剔透，米飯粘性低，就算凍左食都一樣好食。招牌天吉丼材料包括黑虎蝦、魷魚、海紅鯛、茄子、四季豆、溫泉蛋、炸紫菜、南瓜。我覺得最出色嘅係黑虎蝦，有彈牙嘅口感，而且鮮甜。天幕御膳($148) 其實同招牌天丼唔多，材料唔一樣的，只係可以多一個食法。天茶泡飯：將雜錦炸物舖放在米飯上，再淋上堅魚湯，最後添加芥末和紫菜作點綴。加入堅魚湯後令到米飯更加鮮甜，非常美味。下次路過如果唔需要排隊，我一定會再食。