Abbraccio

係中環大館對面有一間樓上既意大利餐廳🍴餐廳都幾有情調，景觀都幾好有戶外枱比客人揀，但係依家夏天實在太熱，所以我都係留返喺有冷氣嘅地方🤣🍕 pizza我地揀左個口味特別啲嘅恩杜賈辣牛肉Pizza餅底係即叫即整，所以食落去都幾有咬口，食得出啲麵粉係唔同出邊連鎖店嘅亦都有好多芝士喺面頭做到拉絲效果🥰 我第一次試呢一個辣牛肉覺得都幾夾！自家製安格斯牛肉丸意大利麵🍝啲肉丸都幾大粒，好有牛肉味👍🏻 意粉好有嚼勁，唔會太腍，亦都唔會太硬係我鍾意嘅口感！蕃茄醬亦都好夾個牛肉丸🫶🏻蘑菇意大利飯都係幾正宗嘅意大利飯，佢啲米係特別唔同啲，口感亦都係好特別嘅，佢個汁相當Creamy，蘑菇油煎到好香😍仲有支梳打水都係made in Italy，真係可以當去咗一程意大利啊！😉