倫哥火鍋私房菜 (已結業)

遠近馳名嘅倫哥私房菜終於登陸元朗 作為倫哥嘅忠實fans梗係要去食下 新開嘅熱潮未過仍然要打電話去book位先食到 位於舊式商場嘅2樓 要上樓梯先到餐廳 面積唔算大但係有卡位坐得尚算舒服 仲有vip房 汽水果汁酸梅湯等等係任飲啤酒就要加錢人齊之後首先就食雞煲 我哋揀咗唔辣 店員好細心咁教你點煮 同埋再落魷魚牛栢葉同豬皮索曬雞煲嘅湯汁 非常惹味 雞肉煮得嫩滑 麻而不辣 夠曬過癮 喺打邊爐之前仲可以無限追加 喺你食緊雞煲嘅同時 就已經有刺身食 包括巨型甜蝦北寄貝 帶子片同三文魚 全部都夠曬新鮮 甜蝦好夠驚喜 多蝦膏之餘如非常甜美 仲有原盅燉雞湯入面有烏雞 紅棗 杞子等嘅材料 夠曬入味 完全零味精 食食下嘅同時就有紅糖冰粉 其實係透明狀嘅啫喱 加上乾果同黑糖漿 非常透心涼之後就係萬眾期待嘅火鍋時間海鮮拼盤有貴妃蚌 大蝦 龍躉片 鯇魚片 鮑魚 大蜆 魷魚等等 有部分仲可以無限追加 非常鮮味 同時令到個湯底好甜極力推薦手打蝦滑同埋墨汁墨魚滑 超彈牙而且調味啱啱好 好有墨魚嘅味道 手切美國安格斯牛頸脊 牛肉係固定分量唔可以追加 牛肉脂肪分佈非常平均 一啲都唔韌 而且牛味濃郁最後甜品係燕窩椰皇燉蛋白