瀛豐放題料理專門店

同朋友慶祝生日，當然要揀返間好嘅餐廳今次我哋揀咗銅鑼灣嘅瀛豐日式放題加大閘蟹，都只係$499，呢個價錢可以食到大閘蟹放題真係好抵見係朋友生日，我哋就升級埋生蠔同埋帶子海膽我哋今日比較早，6:00去到，之後餐廳陸陸續續好多食客。餐廳座位闊落，坐得都幾舒服生蠔都算飽滿，重海水味，一啲都唔腥，幾新鮮！帶子海膽10分鮮甜，海膽口感軟綿，入口即溶，一點苦澀味都沒有， 帶子比較有咬口，配上海膽，互相配合食得放題，當然要叫返個刺身拼盤啦！餐廳刺身嘅種類都好多，特別係貝類，有馬刀貝，赤貝同白玉貝，貝類口感爽口彈牙，新鮮甜美，值得一試之後就係重頭戲大閘蟹，我哋叫咗六隻食住先，估唔到放題嘅大閘蟹質素都咁高！大閘蟹滿滿都係蟹膏，而家乸嘅大閘蟹當造，蟹膏都係金黃色，而且味道濃郁，10分抵食！餐廳仲有其他放題食物嘅選擇，有壽司，泰式焗帶子，豬頸肉，炸蝦餅，炒牛柳粒等等，食物嘅質素都唔錯最後，當然要食返個甜品啦！估唔到有caramel biscuits雪糕，味道拍得上大牌子嘅雪糕！