富城薈

营业中

休息中

又到蟹季😋每年得咁短時間可以食到膏蟹🥹。次次食兩三隻又食得唔過癮。最好就係食大閘蟹放題，一次過食蟹食到飽🦀 舊年揀咗間日式火鍋食大閘蟹放題，點知10隻起碼有三隻係唔新鮮。今次專登揀間酒樓食✌🏻果然冇令我失望🫶🏻唔單止蟹新鮮，而且佢仲有三種口味可以選。分別係清蒸、鹽焗、花雕蒸。三隻口味我都試咗，其實三隻都好食。鍾意重口味小小嘅可以揀鹽焗。一啲都唔食得腥嘅可以揀花雕蒸。鍾意原汁原味嘅就揀清蒸。三隻口味都好正😍 大閘蟹餐裏便仲包咗每位一盅金湯小米會燕窩、蠔皇原隻鮑魚、蟹粉扒豆苗、回味欖角骨。呢個欖角骨係超級好味，我自己都幾乎食咗一大碟。除此之外，點餐紙上所有嘅嘢都係任食。佢哋個金陵片皮鴨都好正。鴨皮脆香，肥瘦適中，點梅子醬包裹香蔥。青瓜再加一層薄皮。一啲都唔膩。我自己都食咗一份。大概有八片😋其實食咗我以上講嘅菜式，再食小小主食、涼菜、甜品、再飲少少飲品已經飽到郁唔到。