麵鮮醬油房周月 (海光街)

营业中

休息中

因為地點唔就腳，好耐都無食周月啦。上次試過之後係覺得好好食，係我覺得係香港其中一間最正既沾面。相隔幾個月後終於食到，我懷住興奮既心情坐低，叫左個沾面加糖心蛋。糖心蛋一叫即有，太肚餓食左半隻先記得要影相今次糖心蛋麻麻地，太熟啦一啲都唔流心。沾面上都有半隻蛋，一樣唔流心。今次叫左濃湯同涼面。一食，個湯超咸，咸到入唔到口。問下師傅可唔可以整返淡，佢係枱面俾左壺雞湯我加。加左好多都好咸，最慘既係啲雞湯係凍既令原本都唔係好熱既湯變到凍哂。食沾麵最差既就係湯唔夠熱，而且叫涼面既面一啲都唔涼成碗麵都唔好食，同上次既質素差太遠啦，太失望，我未必會再黎。