六合小巷 (已結業)

今晚黎到北角嘅台灣小店 - 六合小巷。餐廳裝修好有台式風格，一入門口就比天花裝飾吸引，掛滿五顏六色嘅燈籠，好有氣氛！鹽酥雞扒飯加滷肉🐥🐷🍚👍🏻鹽酥雞扒好大塊，外層炸得好酥脆，食落唔油膩，鹽酥味調得啱啱好，唔會太咸，而雞扒肉質鮮嫩，係必叫之選😍配埋滷肉飯，滷肉肥瘦適中又好惹味，啱哂平時鐘意撈飯食嘅人🤤精裝牛三寶麵-粗麵🐮🍜牛三寶有牛腩、牛根同牛肚，牛腩煮得啱啱好，食落唔會太淋有口感，而牛根炆得好入味，牛肚就彈牙爽口。適合一次過想食哂3樣野嘅人😆蚵仔煎🦪煎到金黃色，而且外邊位好脆，冇乜油膩感，用料十足，有唔少蠔仔，值得大家嚟叫嘅小食😋鳳梨乳酸爆珠鳳梨沙冰配上乳酸爆珠，酸酸甜甜好開胃，爆珠令飲品口感更加豐富。