文華雞飯(新加坡)

营业中

休息中

位於大角咀一個隱蔽嘅巷口裏，竟然深藏一間隱世美食店😳！食飯短短一個鐘 ，只見不斷有街坊、老顧客入嚟幫襯，人情味滿滿🤌🏻熱情老闆見我哋第一次嚟，每款菜式都為我哋精心介紹😍 原來初代老闆曾經喺新加坡學藝，為求將最正宗嘅菜式帶俾客人！🥣馬來西亞肉骨茶由多種藥材熬製而成，藥膳味道濃郁😋 ！除咗味道出色外，肉骨茶更係身體嘅清道夫，清走人體多餘嘅廢物，促進新陳代謝！🐥燒雞丨白雞油飯以正宗新加玻煮法 黑白雞飯每日新鮮製作，肉質鮮嫩！白雞鮮甜，但重口味嘅我更偏好黑雞 豉油燒皮 配油飯好香口 🤭係其他餐廳比較少見！套餐仲配有油菜 性價比超高👍🏻現今社會追求快捷方便，已經好少餐廳會每日精心花時間預備食材。好欣賞老闆仍然堅持保留正宗新加坡味道，老闆仲笑稱有新加坡人會特登返嚟食，真正比新加坡當地更正宗😆🍽️文華雞飯(新加坡)🌍大角咀中匯街17號地舖