廚師發辦串炸真心抵到喊一百蚊有十串！炸粉輕薄脆卜卜，醬汁惹味不油膩；明太子玉子燒超級爆餡；仲有迷你刺身丼三兄弟，足料抵食。身為街坊食完想推介～以下按我個人喜好排行詳細同你分享: )
．
❇︎ 串揚廚師隨機發辦 | $𝟗𝟗/𝟏𝟎串
大癲！十串有菜有肉有海鮮，$99會唔會蝕本？必必必食！大愛煙肉蠔卷，外香脆內多汁；芥末牛柳、紫蘇雞肉、鵪鶉蛋各有特色；最surprise係炸富士蘋果，酸甜爽口，脆卜卜又多汁，超好食！重點是獨立單次性的自家醬汁，乾淨安心，絕對加分！ 我雖然鍾意食串炸但大阪名店大多使用公用醬汁，我怕不文明食客，you know😅….
．
❇︎ 明太子玉子卷 | $𝟖𝟐
明太子控必點！玉子燒本身軟嫩滑溜，裡面係原條明太子which is非常之罕見，爆餡到滿瀉跌出來的程度（請睇Ig影片！），口內卜卜爆開嘅口感好喜歡～，超足料程度，下次會encore！
．
❇︎ 迷你刺身丼 | $𝟏𝟓𝟖/𝟑碗
以為眼花，$158自選三款刺身丼，平均一碗50蚊，抵到飛起。揀咗三文魚籽海膽丼、帶子三文魚籽丼、火炙三文魚油甘魚丼，份量比想像大，刺身用料不錯；火炙魚油香四溢，鮮甜可口，好滿足。
．
❇︎ 鐵板燒牛舌 | $𝟕𝟗
自己用爐仔落牛油同蔥絲燒，香氣逼人。牛舌薄切爽口，略有筋感，蘸上燒肉汁同wasabi，都幾好味。
．
❇︎ 磯煮鮑魚 | $𝟖𝟐
鮑魚同肝軟腍入味，擺盤精美。
．
❇︎ 芝士金龍卷 | $𝟗𝟗
巨型炸蝦與火炙芝士的配搭，香口飽足。
．
❇︎ 蟹子沙律 | $𝟒𝟓
大大碗青瓜蟹柳沙律，清爽開胃。
．
❇︎ 冲繩海鹽青檸蜂蜜梳打 | $𝟑𝟖
❇︎ 茘枝味雞尾酒 | $𝟒𝟮
兩款飲品清爽帶果香，酸甜解膩，配串炸good match。
．
❇︎ 溫提：而家有啤酒仲有買一送一優惠；生日仲會送特大杯果味燒酒梳打～記得book檯呀！！
