影片
更多
2019-04-23
389 浏览
假期前夕, 同男朋友一如以往食好西~ 今次book左間比較似中西合壁既餐廳, 不過天功不造美今日天氣好唔隱定, 黎餐廳前落好大好大雨, 攪到我從頭到尾都濕透了。餐廳位於28樓, 又咁岩被安排到近窗邊, 景觀一流!野食方面睇左好幾款, 最後叫左個比較特叮既 set for two手撕法國鵪鶉伴海膽汁海蜇~ 呢度用既食材唔係一般既食材, 呢個前菜用上法國鵪鶉肉, 食落都幾多肉感, 海蜇用上少有既海膽汁調製, 食落好香海膽味道, 好特別既一個前菜啊! 為我地帶上一個驚喜既開始~湯品方面我倆簡選左龍蝦湯, 龍蝦湯質地冇想像中杰身, 入口有龍蝦香味但冇想像中咁濃厚既質感, 呢方面有d可惜, 不過湯品當中包含左螺頭 & 龍蝦肉, 龍蝦肉彈牙好新鮮, 好中意呢個龍蝦湯多左一份龍蝦肉, 令湯品顯得不平凡三文魚籽鳳眼餃, 少有可以係西餐廳上食到中式點心, 其看似非似中式點心因為佢地放上日本既三文魚籽係上層, 口感脆卜卜, 同鳳眼餃既口感做成左對比, 點心放上枱既時候仲係熱辣辣3色既鳳眼餃其實只係外皮唔同顏色, 但入面既味道都係一樣, 整粒都蝦滿滿既蝦肉包圍住, 爽口既蝦肉滿口都係, 食完真係好滿足秘製蜜
餐廳位於28樓, 又咁岩被安排到近窗邊, 景觀一流!
野食方面睇左好幾款, 最後叫左個比較特叮既 set for two
手撕法國鵪鶉伴海膽汁海蜇~ 呢度用既食材唔係一般既食材, 呢個前菜用上法國鵪鶉肉, 食落都幾多肉感, 海蜇用上少有既海膽汁調製, 食落好香海膽味道, 好特別既一個前菜啊! 為我地帶上一個驚喜既開始~
湯品方面我倆簡選左龍蝦湯, 龍蝦湯質地冇想像中杰身, 入口有龍蝦香味但冇想像中咁濃厚既質感, 呢方面有d可惜, 不過湯品當中包含左螺頭 & 龍蝦肉, 龍蝦肉彈牙好新鮮, 好中意呢個龍蝦湯多左一份龍蝦肉, 令湯品顯得不平凡
三文魚籽鳳眼餃, 少有可以係西餐廳上食到中式點心, 其看似非似中式點心因為佢地放上日本既三文魚籽係上層, 口感脆卜卜, 同鳳眼餃既口感做成左對比, 點心放上枱既時候仲係熱辣辣
3色既鳳眼餃其實只係外皮唔同顏色, 但入面既味道都係一樣, 整粒都蝦滿滿既蝦肉包圍住, 爽口既蝦肉滿口都係, 食完真係好滿足
秘製蜜汁素叉燒呢個係一道我覺得係呢個餐既重頭戲! 原身覺得佢既素叉燒應該唔係咁既樣, 但出黎既外表同叉燒真係有100%相似, 就咁睇完全唔覺得佢係素黎!!!
素叉燒包上蜜糖再烤成脆身, 蜜汁杰身口感真係做到好似食緊叉燒果種痴牙口感~ 素叉燒睇落相信係以麵根製作而成, 入面做到札實有咬口, 唔係軟林林既麵根口感, 唔知真係以為自己食緊叉燒!!! 呢個真係相當有驚喜, 如果呢道菜可以加上一個白飯咁就更加好喇
香煎西班牙黑毛豬鞍, 豬鞍一向男朋友都好少食, 原因係...因為呢度冇牛扒比佢只有豬鞍, 不過呢個黑毛豬鞍做得真係好出色, 食落去黑毛豬既味道同平時食問開既真係好唔同, 豬鞍肉一d肥肉都冇, 會以為咁好hi口? 咁就錯喇!
呢個遺背我想像既口感, 切落去肉感好厚實, 廚師用大火將肉汁鎖住, 當中既肉汁真係好多, 食落富有口感, 相當juicy~ 而且黑毛豬鞍既肉好有豬既香味, 唔知呢款黑毛豬係咪就係食橡果既黑毛豬? 真係令人食唔停口
最後食埋呢個會噴火既焦糖燉蛋做結尾, 酒味頗重, 但焦糖燉蛋做得好滑身, 如果中意酒既你一定唔可以錯過啊!!!野食都係用上上等食材, 價錢唔算平但黎呢度食晚飯既人都有好多, 食到中段仲有客人要等位~ 除左有set for two 之外仲有得單點&生蠔食, 不過食完呢個餐都已經好飽la!! 唯有下次再試其他野食
张贴
