蜆勁村盧爸爸私房菜 (已結業)

由太和站落來不到10分鐘，過隧道就見到，都唔算難搵。鋪仔細細，爸爸負責廚房，仔仔女女負責出面。全鋪5張枱，兩張大，其他2人枱。無訂位，6點半到，好好彩，剛有1張2人吉枱剩。招牌炒蜆好香好勁蒜茸味，少辣，好好食😋。蒜茸炒時菜，無得揀，得生菜，炒得好好食。如果有其他菜揀就好。一人再叫咗隻蒜茸蒸扇貝，蒜茸嫌唔入味，蒜茸面好似加咗炸菜，咸咗啲。所有餸調味料都好多，味濃，但少人食，一款食太多，略嫌漏。值得一讚係有鐵觀音飲，好清，可消小小滯。👍因為之前食咗三多炸脾，而且得兩個，所以食唔到太多，下次多啲人來就可叫多啲款。