茶墨 (已結業)

平時見人post得多，身為黑芝麻控想試好耐😛想坐低慢慢歎，平日放工時間full house啊。「茶墨」除左有靚靚水墨風茶飲之外，仲有賣蛋糕、低脂意式雪糕Gelato、芝麻條抹茶條，嚟relax一下好唔錯。麻糬芝麻烏龍鮮奶茶($39)麻糬芋泥茉莉鮮奶綠($39)••••••成品好靚，真係好靚🥰明顯嘅黑白對比好吸引眼球，重點係鋪滿整個杯底，大大粒麻糬，好煙韌好特別😚。用杯蓋開口首先飲一啖鮮奶，再用吸管到杯底飲到濃濃嘅芝麻香，沙沙芝麻醬充滿口腔，滿足☺️之後攪勻飲，就會飲到烏龍茶葉獨有嘅甘香，層次豐富，真正飲到所有材料嘅存在。芋泥出色，好綿，或者芋泥太搶鏡啦🤣茉莉香比較淡。意式雪糕(焙茶+雲尼拿)($42)••••••係低脂Gelato嚟☺️，係比較食到冰沙嘅口感，不是走creamy路線。兩隻口味比較，焙茶濃啲，啲茶味出啲，雲尼拿襯埋去就比較清淡啦。不得不說店家好大方，兩球雪糕都好大球🍨。蒙布朗甘玉草莓($32)••••••粉色少女色系😛 嚐甜嘅朋友就啱哂，面層草莓粟子蓉，包住奶油忌廉同底層蛋糕，食完幸福感爆燈🥰。