影片
更多
2021-04-11
855 浏览
大滿足！選擇好豐富嘅台式人氣任食火鍋～～～之前想試呢一間牛大人台灣火鍋好耐 今日終於有時間帶埋家姐 媽咪 爹哋 一齊過嚟食晚餐 之前朋友已經提點過 呢間店係一間熱店 要早少少嚟排隊 所以我哋就好乖咁提早九個字過嚟 黎到嘅時候 已經有人排緊隊 熱店果然係熱店 但係食好嘢永遠都係值得等待嘅～～～佢哋嘅餐牌好多選擇 我哋最後揀咗澳洲極上和牛套餐 雖然已經係最貴嘅套餐 但係都係二百幾蚊 好抵食 難怪咁多人～～～由於佢哋實在有太多款式 我就唔一一細講 以下係揀咗幾款 我覺得非常值得食嘅 推介俾大家試下 ☺️～～～肉類方面叫得做牛大人 梗係要試吓佢哋嘅牛啦推介大家試澳洲和牛M5牛肩卷 西班牙豬五花片 同埋花雕酒雞件 和牛雪花分布平均 豬五花半肥半瘦 豬肉味濃 而花雕雞件就肉質扎實 全部都好食🤩～～～佢地嘅自助區仲有好多丸 例如鱈魚丸 芋頭貢丸香菇貢丸 龍蝦丸 海膽丸 竹炭海鮮丸 麻辣丸子 等等 蔬菜亦都係位於自助區 唐山菜 油麥菜 菜心苗 西洋菜 娃娃菜 皇帝菜 萵筍等等全部都有 選擇幾多 但係最吸引我嘅 都係喺自助區嘅第二市場真滷肉飯 佢哋嘅滷肉汁做得好好 雖然任食唔應該食咁多飯 但係我哋都竟然一
～～～
之前想試呢一間牛大人台灣火鍋好耐 今日終於有時間帶埋家姐 媽咪 爹哋 一齊過嚟食晚餐 之前朋友已經提點過 呢間店係一間熱店 要早少少嚟排隊 所以我哋就好乖咁提早九個字過嚟 黎到嘅時候 已經有人排緊隊 熱店果然係熱店 但係食好嘢永遠都係值得等待嘅
～～～
佢哋嘅餐牌好多選擇 我哋最後揀咗澳洲極上和牛套餐 雖然已經係最貴嘅套餐 但係都係二百幾蚊 好抵食 難怪咁多人
～～～
由於佢哋實在有太多款式 我就唔一一細講 以下係揀咗幾款 我覺得非常值得食嘅 推介俾大家試下 ☺️
～～～
肉類方面叫得做牛大人 梗係要試吓佢哋嘅牛啦推介大家試澳洲和牛M5牛肩卷 西班牙豬五花片 同埋花雕酒雞件 和牛雪花分布平均 豬五花半肥半瘦 豬肉味濃 而花雕雞件就肉質扎實 全部都好食🤩
～～～
佢地嘅自助區仲有好多丸 例如鱈魚丸 芋頭貢丸香菇貢丸 龍蝦丸 海膽丸 竹炭海鮮丸 麻辣丸子 等等 蔬菜亦都係位於自助區 唐山菜 油麥菜 菜心苗 西洋菜 娃娃菜 皇帝菜 萵筍等等全部都有 選擇幾多 但係最吸引我嘅 都係喺自助區嘅第二市場真滷肉飯 佢哋嘅滷肉汁做得好好 雖然任食唔應該食咁多飯 但係我哋都竟然一人都忍唔住食咗一碗 滷肉味道啱啱好 而且啲肉又唔會好柴 好下飯☺️
～～～
佢哋有好多種「滑」係眾多「滑」之中 推介大家試下章魚珍珠漿 因為裏面真係粒粒章魚 好足料 味道有少少似可以喺出面自助區拎到嘅特級花枝丸 但係又比花枝丸更滑更鮮甜
～～～
飲品方面 出面嘅飲品櫃有好多選擇 但除左飲品櫃之外 佢哋亦都有啲額外加錢嘅飲品 例如我哋橋嘅威士忌冬瓜茶就係其中一款 呢一款冬瓜茶同傳統嘅式冬瓜茶好唔同 加咗酒之後 有d似cocktail 好特別
～～～
除咗食物質素好唔錯之外 值得一讚嘅嘢都係佢哋服務態度好好 叫咗咁多次都冇漏單 埋單時候 仲會有甜品紙送上 可以選擇雪糕或者佢哋自家製嘅仙草 食完熱辣辣嘅嘢 再食返個凍冰冰嘅甜品 令人整餐都好飽足好美滿
～～～
推薦度：🔥🔥🔥🔥🔥🔥🔥🔥🔥
牛大人台灣火鍋吃到飽 (荷李活商業中心)
旺角彌敦道610號荷李活商業中心地庫
张贴
