影片
更多
2016-03-25
3648 浏览
實在不得不讚自己提議來呢間築地食放題，果然一如openrice 各位所講，實在係好評到不行！！P.s. 原諒小妹咁遲先寫番食評，早排實在太忙。但亦不得不讚築地番本好姊妹太耐無見，一食當然要食餐好。雖則呢間放題只有90分鐘，亦要200幾蚊@1先埋到單。但勝在夠多款食物選擇。由於我地有四個人，亦有蒸氣鍋可用。我地一行四人先點左刺身。有三文魚，劍魚腩，北寄貝，帶子，希靈魚等等。圖中所見，刺身係十分新鮮的，而則切既厚薄都恰到好處。食落口既感覺係非常之新鮮，只能比100個like跟住我地試左蒸氣鍋。姊妹們見到有蝦，扇貝同硯都感到好興奮，仲要無限fill. 實在令人感動至極。餐廳響點餐紙度都細心地寫上每項食物大概既最佳蒸氣時間，都幾貼心。由於姊妹十分愛好海鮮，所以係咁叫，估計我地都食左超過60隻硯，但每隻都無沙，真係好正同好甜。另外仲有牛肉可供選擇，只係小妹食唔多，因此都無叫太多肉，只係主攻海鮮。至鍋底其實有煲粥的，蒸完幾輪海鮮就當然係要試下個粥。其實個粥係好有鮮味同好正。但個粥咸左少少，可能因為吸收得太多海解精華。都建議番食客可考慮請店員為你加水再煮一陣。最後輪到熟食部分，有一口牛，有天婦羅，亦
好姊妹太耐無見，一食當然要食餐好。雖則呢間放題只有90分鐘，亦要200幾蚊@1先埋到單。但勝在夠多款食物選擇。由於我地有四個人，亦有蒸氣鍋可用。
我地一行四人先點左刺身。有三文魚，劍魚腩，北寄貝，帶子，希靈魚等等。圖中所見，刺身係十分新鮮的，而則切既厚薄都恰到好處。食落口既感覺係非常之新鮮，只能比100個like
跟住我地試左蒸氣鍋。姊妹們見到有蝦，扇貝同硯都感到好興奮，仲要無限fill. 實在令人感動至極。餐廳響點餐紙度都細心地寫上每項食物大概既最佳蒸氣時間，都幾貼心。由於姊妹十分愛好海鮮，所以係咁叫，估計我地都食左超過60隻硯，但每隻都無沙，真係好正同好甜。另外仲有牛肉可供選擇，只係小妹食唔多，因此都無叫太多肉，只係主攻海鮮。至鍋底其實有煲粥的，蒸完幾輪海鮮就當然係要試下個粥。其實個粥係好有鮮味同好正。但個粥咸左少少，可能因為吸收得太多海解精華。都建議番食客可考慮請店員為你加水再煮一陣。
最後輪到熟食部分，有一口牛，有天婦羅，亦都有炒飯。印象中一口牛係唔錯的，d 肉都煮到幾稔同入味，醬汁咸咸地咁。另外亦有個焗扇貝，雖則佢焗得幾好，食落少少酸味係唔錯的，但我都係中意蒸果個扇貝。因為蒸果隻夠鮮味之餘又唔會焗到好乾身咁。但其他我都無細細品嘗，因此唔多作評論。
另外仲有野飲同甜品。餐廳係有個櫃比你自己選擇，主要係罐裝同支裝飲品。飲品種類都幾多，仲有我地最愛既忌廉溝鮮奶亦有細細支咸柑桔，飲完仲可以試其他野飲。最重要係佢仲有梅酒同清酒任飲。當然唔好諗住係d 咩高級貨，但確實有日本酒類選擇已經好好。甜品方面亦有奶凍同雪糕糯米滋。我敏感牙齒所以傾向食奶凍，食落都唔係加水加得太嚴重，仲有好濃香既奶味。只係奶凍太受歡迎，好快就無晒lu.
至於服務方面，店員其實好殷勤。我地見到店入面好忙，但佢地都好盡力去serve 我地，又有笑容。仲有店員親自過來教我地點蒸d 海鮮，其實好貼心
總括而言，都係果句。今餐真係值100like
张贴
