黑門水產すいさん (棉登徑)

呢間舖頭之前都有同朋友嚟食過，好有日本磯丸水產feel！今日突然思鄉病，同朋友來回味一下！佢啲海鮮都好新鮮，有海水味但係唔腥，我覺得性價比都幾高！黑門令蟹味噌甲羅燒（$72）講真$72真係算貴，因為佢個蟹蓋真係好多蟹膏，and有人幫你燒埋頹廢餐😂佢攞咗隻生蛋勞埋入去燒令到成個口感更豐富，而且好新鮮值得一讚！ ！黑門令龍蝦湯煮海鮮（$88）佢呢個龍蝦湯嘅龍蝦味好真實好鮮甜，佢裏面嘅海鮮例如d蝦同螺好彈牙！花酒漬甘蝦刺身（$88）食落去酒味好香，好似食緊醉蝦咁，同埋佢d蝦口感好好，絕d蝦食到雪雪聲！蟹味噌燒帆立貝 （$80）佢個帶子好大粒好有肉，唔淋唔硬好有口感，的確新鮮！佢仲個明太子同有啲蔬菜令到佢無咁膩！鐵火卷（$58）我覺得正常，冇話特別好食特別唔好食，但係呢個價錢絕對抵食！海底之心（$68）我哋叫咗佢個招牌嘢飲，幾好飲，因為佢有新鮮檸檬，酸酸甜甜咁，再配埋個顏色真係好靚，好符合海產呢個主題。