瀛豐放題料理專門店

好耐冇食放題啦，今次同朋友去食銅鑼灣食放題，呢間真係性價比高，真係好多款式選擇出面有好多冷盤可以夾添，最鍾意就係麻辣手撕雞同泰式鳳爪，泰式鳳爪，酸酸辣辣，夠晒開胃😋我哋另外加錢任食生蠔、帶子海膽😍海膽肥美、帶子同海膽一齊食好夾😋壽司款式好多，最好嘅就係壽司飯唔大嚿👍🏻我最鍾意嘅都係炙燒左口魚邊入口即溶😋刺身方面好多款式，最鍾意嘅就係白玉貝、赤蝦，赤蝦超大隻！蝦頭勁重！而白玉貝好爽口又鮮甜😋食完刺身壽司梗係要食下啲熟食暖下個胃啦！熟食都好多款，嗌咗泰式燒元貝、燒羊腩、冬陰功蝦湯、三文魚湯！真係好多款，好想叫埋其他，但係實在太飽，唯有下次再嚟過😋最後梗係要食甜品啦😌雪糕勁多款，我哋食咗芋頭味同椰子菠蘿😋