密密燒

营业中

休息中

家姐升職，成家人同佢去食飯慶祝吓！ 我哋揀咗深水埗好出名嘅密密燒到食放題慶祝！之前已經黎過，覺得食物嘅質素好高，好多選擇！放題包埋🍹飲品，🍻啤酒同甜品。仲要免收加一😍真係堅抵！而且環境勁乾淨衛生！真係有好少餐廳可以做到咁👍🏻餐廳每一樣嘅食材都好新鮮。侍應將食物一串串咁串好晒，食起嚟乾淨衛生，又唔會整污糟手。我超鍾意！我哋叫咗好多食物，但以下呢幾樣絕對係我嘅心頭好！🐮牛柳串燒🍢牛柳嘅size 切到啱啱好，完全係一口一啖。牛肉味勁濃。唔使加調味料都已經好好食！🐔雞軟骨串燒🍢雞軟骨口感卜卜脆，咬落去'索索'聲之餘，仲有好重嘅雞味。超好食！呢個真係可以不停encore 🐔雞翼🍢雞翼都好岀色。雞翼唔算好大隻，啱晒放題食！雞翼口感一啲都唔乾，仲要勁Juicy 。再加少少調味料味道就好突出！超正！