大滿喜日本料理 (已結業)

一向喜歡食日本菜的我，今日跟個朋友嚟到旺角， 我朋友話呢到有間食放題嘅日本菜真係唔錯㗎，佢係喺商業廣場嘅樓上。好快就來到，可能係早啦， 仲好容易就攞咗個位啦！不過都要預先book㗎，我們坐低好，就叫嘢食，真是好多嘢食喎，叫人看到眼花撩亂。有不同壽司、 手捲啦、 魚生……等等。魚生非常新鮮，好有鮮味。 熟食方面：就有好味的牛脷、釀雞翼、鰻魚、焗帶子、 咖哩魚蛋、 鮮蝦、碗仔翅、 燉花膠和烏雞湯啦。仲有啲自助嘅區，有好多懷舊嘢食，如咖哩魚蛋、碗仔翅、中式嘅湯、 沙律吧，自由選擇喜歡嘅美食。糖水，雪糕，甜品和飲品都非常之多選擇，真係令到你目不暇給。食品很精緻，所以你可品嘗到好多唔同種類嘅食物。今日是一個好難忘嘅日式放題。