影片
更多
2016-03-15
1677 浏览
自從上次食完放題之後，又有啲口痕想食多餐放題。 講起放題，旺角就一定走唔甩，所以一落堂就飛奔去旺角既大滿喜，係創興都算方便。 雖然係咁講，但係我呢個帶病之身，一諗起放題個凍飲櫃真係打左個冷震，好彩男朋友仔勁醒見到有個暖飲櫃，先發覺呢間放題真係特別貼心！ 飲左啖暖飲，就等唔切開始畫野食。首先上場既當然係醒胃菜沙津啦！有機菠蘿煙肉沙津 新出得黎又幾好食，酸酸甜甜加上少少咸既煙肉，完全係對於跟住既戰爭作最好既support！上菜速度夠快，落單短短5分鐘就上左第一輪刺身。有幾款刺身都帶比我驚喜。 特別鮮甜既珍珠貝柱，真係唔係其他放題食到，唔怪得之係推介啦。放題must食既三文魚同油甘魚有一定既水準。蜜汁鮑片既甜搞到我都食左幾轉。箱押壽司同手卷 都幾特別，連埋手卷細細份唔怕飽既手卷，仲有一個要提既野就係washibi啦，真係幾夠辣，同新鮮既sushi係一絕！大滿喜，真係超多驚喜！佢地個炸物，樣樣都好食！ 紫心香芋丸外表平平無奇，圓轆轆咁，實際係香甜好味，香芋丸既有咬口又軟熟，甜甜地又唔漏！榴槤炸彈仲有一樣未必個個食，但係鍾意食既人，就一定要試。就係榴槤炸
雖然係咁講，但係我呢個帶病之身，一諗起放題個凍飲櫃真係打左個冷震，好彩男朋友仔勁醒見到有個暖飲櫃，先發覺呢間放題真係特別貼心！
飲左啖暖飲，就等唔切開始畫野食。首先上場既當然係醒胃菜沙津啦！
有機菠蘿煙肉沙津
新出得黎又幾好食，酸酸甜甜加上少少咸既煙肉，完全係對於跟住既戰爭作最好既support！
上菜速度夠快，落單短短5分鐘就上左第一輪刺身。
有幾款刺身都帶比我驚喜。
特別鮮甜既珍珠貝柱，真係唔係其他放題食到，唔怪得之係推介啦。放題must食既三文魚同油甘魚有一定既水準。蜜汁鮑片既甜搞到我都食左幾轉。
箱押壽司同手卷
都幾特別，連埋手卷細細份唔怕飽既手卷，仲有一個要提既野就係washibi啦，真係幾夠辣，同新鮮既sushi係一絕！
大滿喜，真係超多驚喜！佢地個炸物，樣樣都好食！
紫心香芋丸
外表平平無奇，圓轆轆咁，實際係香甜好味，香芋丸既有咬口又軟熟，甜甜地又唔漏！
榴槤炸彈
仲有一樣未必個個食，但係鍾意食既人，就一定要試。就係榴槤炸彈啦，識食榴槤既人都知，好多時榴槤製品唔係樣樣都好食，今次呢個炸彈係有水準既，有榴槤既完整甜味，真係值得一試！
男朋友仔叫到成枱野食，全部肉肉肉，見佢食到滿足既樣，又話好食好食咁，其實睇住佢食就已經好開心。
我就試左個白汁燒帶子，好大隻又juice，白汁香濃帶出個帶子既鮮味。
大滿喜係一間性價比幾高既日式放題，食物有水準，飲品又多款揀，仲有貼心既暖飲，上野食速度夠快，仲有好多講唔曬，下次再食過！
张贴
