大樹燒烤 (已結業)

呢排好多中國嘅brand南下，先有貓抓烤肉，後有西塔老太太，朋友問我有冇食過大樹，佢話都幾出名，無聽過嘅我，就話佢講開就不如試吓啦。本身想去其他串燒店，但既然無食過，選佢都無可厚非。上到去，好彩唔算多人，但朋友就話係四川非常受歡迎，不過味道作準才知，到底好不好。餐廳有個爐會幫你嘅串燒keep warm，串燒嘅選擇都唔少，而且同出面嘅串燒都有少少分別，所以我都覺得幾新鮮。主力飲生啤，選擇都好多，不過話無乜紅白酒選擇，如果想飲，不如自己帶酒。有串綱紅菬皮，係平時嘅薯粉皮包大量嘅蒜蓉辣椒，我個人幾鐘意，烤豬手做得好好，另外我都好熱愛呢個雞薯片。大大隻嘅茄子，仲有羊肉串牛肉串都係正常水準，仲有好大份嘅手抓羊，你愛羊一定喜歡。開心花甲粉絲最得，粉絲完全吸收個辣汁，好食到不得之了。不過，唔知點解，唔係食好多野當晚都好易飽，味道好濃，未必個個喜歡，但愛串燒的都會鐘意。