影片
第一次喺香港食呢类型嘅串烧店，呢间餐厅嘅串烧种类好多好齐，除咗串烧之外仲有啲一窝窝嘅食物同埋甜品，不过今日我同朋友就主要食串烧啦。落完单之后店员会喺铁板下低点着两个蜡烛，串烧嚟到就会放喺铁板上面，咁就唔怕食得太慢啲串烧冻晒。调味料方面，餐厅准备咗辣椒粉同埋孜然粉，方便食唔同辣度嘅人可以调校适合自己嘅口味。第一轮嘅串烧到咗啦，我哋第一轮叫咗猪颈肉，鸡肉串，烤翠玉瓜，烤秋葵，烤多春鱼，同埋金菇肥牛卷。第二轮嘅食物，我哋叫咗烧茄子，花甲粉，同埋粟米串。猪颈肉同埋鸡肉串都有腌过，而且烧得好香口，上面落咗少少孜然粉，不过我个人口味钟意重孜然粉，所以我就自己落多咗好多。烤翠玉瓜本身个翠玉瓜都够甜，烧完之后好爽甜，唔会干晒，翠玉瓜系厚身嘅，唔系切到好薄，所以只叫咗一串翠玉瓜都唔会唔够喉。秋葵我本身就唔食嘅，但系$28有两串，我个人觉得几抵食。金菇肥牛卷一串有三嚿，朋友唔食金菇嘅，我一个人食咗三嚿，开始有啲饱😂。虽然金菇嘅尾尾有少少㶶左，但可以接受，因为比牛肉包住嘅部份入边咬落系有菇汁嘅。多春鱼一份有三条，食落唔腥，烧得好脆，多春鱼好长要分两啖先食得晒。呢条烧茄子个名叫做大大大茄子，一上到枱真系冇改错名㖞😂，真系好大份，上面铺满咗蒜蓉，茄子肉捞埋蒜蓉一齐食，真系好好味，食到最后我不停用筷子刮个茄子，一啲都唔想浪费，因为实在太好味。🥹粟米串一份系有10串嘅，我第一次食逐粒粟米串嘅串烧😂啲粟米本身好甜，但系又甜甜咸咸辣辣个味道好特别，所以我同朋友眨吓眼就清咗10串粟米。有一次我喺food court入边食过花甲粉，一啲味都冇，今次系我最后一次俾机会花甲粉呢一个食物，好彩冇令我失望😎。 一落枱已经闻到阵麻辣味，蚬肉份量多，蚬肉嘅份量绝对唔系滥竽充数，每一粒都好鲜甜。食咗粒蚬肉之后，我用返个蚬壳嚟勺花甲粉嘅汤饮😂，个汤除咗鲜甜之外，仲饮到麻辣嘅味道，麻辣嘅比例，我个人觉得麻味比较辣味多，个人嚟讲相当钟意。粉丝就更加唔使讲，吸晒啲汤汁，我觉得餐厅可以整一个选项俾客人选择粉丝加底。😂
继续阅读
是夜未想到晚饭的用餐处，索性直接去到尖沙咀食街 —— 厚福街 —— 才慢慢觅食。站在 H8 大楼外墙的餐厅广告牌前，无意中看到这家烧烤店，心中暗生好奇。反正就是不想吃太多淀粉，于是毅然决定做一回白老鼠。一口气点了十款串烧之后，店员会随即燃起煎锅下嘅蜡烛，这个煎锅的作用是放上串烧以保持住温度，以免影响口感。新疆羊肉串这是菜单中的必选推介，没有羊膻味，非常美味，外面烧得又硬又香脆。大大大茄子一个非常大的肥茄子切开两边，上面铺满了蒜蓉、少许辣椒碎和葱，烧得非常香，口感鲜嫩，吸入了蒜蓉同油香。金菇肥牛卷口感一般，可能牛肉烧得比较熟，口感有点硬，没有特别出色嘅地方。豚肉韭菜花卷让人非常失望，韭菜很老，吃起来有渣，而且豚肉非常薄非常细，基本上没有吃到什么肉，可以说是不合格。即开即烧生蚝在生蚝上铺满了蒜蓉进行烧烤，味道非常足，但是生蚝的质素一般，烧烤之后变得很细少，而且烧得过熟，口感很硬很韧，咬不开，不推荐。即开即烧大扇贝同样是在大扇贝上铺满了蒜蓉进行烧烤，汁料非常美味，但烧烤之后扇贝变得非常细少，烧得过熟。新鲜鱿鱼须这个还不错，烧得很脆，有著鱿鱼的香味，不会烧得过硬过韧。多春鱼绝对有惊喜，烧烤之后非常好吃，外脆内软，调味的孜然粉让它提升了一个层次。烧大鲜冬菇失败之作，一串里面只有三颗，首先并不是很大颗，完全与名字不相符，而且冬菇烧得很干很硬，咬下去又没有汁液，非常干，没有冬菇的味道。一口甜薯值得推介，因为入口真的很甜，而且皮烧得很香脆，可以当作甜品来吃。竹蔗茅根，鸡骨草非酒精饮品都是现成瓶装或罐装的，可以在便利店买到，所以不需要评价了。整体来说都是可以的，但是发觉好吃值得推介的，跟失望难吃的落差也真太大，所以选对了串烧，真是太重要了！顺带一提，这家餐厅的洗手间管理非常不善，女厕厕所门口不关门，内里有两个厕间，一个维修中，只能使用另一个，而坐厕非常残旧，又没有提供卫生纸，垃圾桶周围散落著许多厕纸，洗手位置没有洗手液、纸巾或吹风机。经历了三年的疫情，这样的卫生状况确实令人无法接受。
继续阅读
串烧黎讲上菜好快，而且仲会有个炉可以烘住，唔怕食唔切冻晒。有好多其他串烧店冇嘅选择提供，例如腊肠，猪肠粉等，仲有小食同甜品。串烧全部可以拣大中小辣，串烧调味刚刚好。如果想重口味啲，每张枱仲有提供辣椒粉同埋孜然粉。霸王肥肠新疆羊肉串渣男五花肉烧鸡软骨鲜烤牛肋肉绝味烧鸡皮大树烤活虾虾多春鱼台湾肠广式腊肠小甜薯椒盐小酥肉非常香口，咸咸地，一流佐酒菜。开心花甲粉丝充满麻辣香味，而且非常多花甲！座位阔落，地点方便，平日都不断有客人入座。
继续阅读
小红书有好多尼间舖的营销，所以过去试放题。点知食得一啲都5开心5过瘾。点的第一批烧烤，等得有啲耐，5知上得齐5齐，因为无打单，不过都算无咩问题。见距咁慢，就加单左第二批烧烤，等得极耐，催左之后只上左几串，绝对5齐。然后催鸭血粉丝，又等左好耐，回覆无鸭血粉丝，所以转左蒜蓉娃娃菜。又等左极耐，就只上左蒜蓉娃娃菜，第二单漏左的一堆烧烤变成无左回事。所以全程放题基本就系等等等，最后只系勉强少少饱5想再等，就走了。重点系果日系工作天夜晚，客人并不多，其他单点的台上菜都比我地快好多。所以食完之后真系好嫐，无下次！
继续阅读
前牌突然间好想食串烧，所以揾日收工就同朋友去咗大树烧烤❤️menu有好多款嘅串烧同埋小食拣，价钱亦都合理，所以我哋都嗌咗好多🤭🤭慢慢㗳!✨霸王肥肠✨肥肠一咬落去就好Juicy多汁🤭，最怕𠮶啲烧到好干嘅猪肠🫠✨金菇肥牛卷✨呢个系我每次食烧烤必叫嘅，金菇同肥牛嘅配搭，简直系人间美食🤭✨台式香肠✨台式香肠亦都好好食好香口，配搭孜然粉更加味道一流❤️✨爆浆芝士丸✨烧咗嘅芝士丸比平时更加惹味😝最后我嗌咗两次✨五花肉蟹柳卷✨五花肉好肥美，配搭埋蟹柳口感一流🤭✨秘制猪颈肉✨猪颈肉都好多汁Juicy，十个赞俾佢☺️👍🏻👍🏻✨大大大茄子✨呢个系我成餐饭最满意嘅食物，睇相觉得好吸引一定要叫😂上碟后果然冇令我失望，茄子颜色好鲜艳，亦都好足料好大条🤭个茄子落咗好多蒜蓉，咬落去超腍🤭🤭但已经好饱啦，如果唔系我会再叫多碟🤣✨手打鸭屎香✨食啲热气嘢一定要嗌杯饮品，我嗌咗手打鸭屎香，味道原来系咁得意，第一次饮呢款柠檬茶就钟意咗❤️总括嚟讲呢一间烧烤店好amazing，下次一定会再帮衬👍🏻👍🏻👍🏻
继续阅读