影片
更多
2024-06-13
922 浏览
踏入6月份，太陽蛋就開始諗定同老公去邊度預祝父親節😎 趁BB出世前好好咁享受二人世界～今次就帶佢去大館既The Chinese Library 食中菜～餐廳暗暗地，係老公最鍾意既情調風格ＸＤ一坐低，服務生已經遞上menu，佢每個月都會有個tasting menu，大約一千一位，有8-9道菜～不過今次我地就叫咗À la carte，睇吓我地叫咗咩啦😆藤椒伴翡翠🌱 ($138)見到佢係蔬菜類再加埋藤椒，雖然唔係好知咩係翡翠，但都照叫XD 黎到見到佢既「翡翠」切到一條條扭紋通花咁，已經覺得廚師刀功好厲害😯 一食入口，既有藤椒既麻香，又有蔬菜既爽脆，連平時唔多鍾意食菜既老公都讚不絕口！之後我再問吓服務生其實翡翠即係咩菜，佢話係萵筍～呢個做法令到萵筍完全昇華到另一個層次！！大推！！珊瑚菊花豆腐🌼 ($168/位)一向鍾意飲湯，問服務生有咩湯清清地，佢就推介「珊瑚菊花豆腐」，仲話呢個湯係每日限定😯原來菊花豆腐既真身係將豆腐切到好似菊花咁，見到一瓣瓣既花瓣，刀功超細緻！佢個湯底係好清既雞湯，配上昆布，淡淡地好舒服！五味雜陳和牛肋 ($388)主菜方面就叫咗個和牛肋，服務生上菜時有特別介紹呢個菜有齊五
餐廳暗暗地，係老公最鍾意既情調風格ＸＤ一坐低，服務生已經遞上menu，佢每個月都會有個tasting menu，大約一千一位，有8-9道菜～不過今次我地就叫咗À la carte，睇吓我地叫咗咩啦😆
藤椒伴翡翠🌱 ($138)見到佢係蔬菜類再加埋藤椒，雖然唔係好知咩係翡翠，但都照叫XD 黎到見到佢既「翡翠」切到一條條扭紋通花咁，已經覺得廚師刀功好厲害😯 一食入口，既有藤椒既麻香，又有蔬菜既爽脆，連平時唔多鍾意食菜既老公都讚不絕口！之後我再問吓服務生其實翡翠即係咩菜，佢話係萵筍～呢個做法令到萵筍完全昇華到另一個層次！！大推！！
珊瑚菊花豆腐🌼 ($168/位)一向鍾意飲湯，問服務生有咩湯清清地，佢就推介「珊瑚菊花豆腐」，仲話呢個湯係每日限定😯原來菊花豆腐既真身係將豆腐切到好似菊花咁，見到一瓣瓣既花瓣，刀功超細緻！佢個湯底係好清既雞湯，配上昆布，淡淡地好舒服！
五味雜陳和牛肋 ($388)主菜方面就叫咗個和牛肋，服務生上菜時有特別介紹呢個菜有齊五味—甜、酸、甘、辣、咸，甘味就係來自醃肉所用既陳皮🍊～亦好細心咁提醒我地如果覺得太漏，可以食吓伴菜既萵筍清一清味蕾，我地都有跟住咁食，估唔到配菜都咁有心思！
今餐飯我同老公都食得好滿足！首先係每道菜都蘊藏心思，無論賣相、配搭、調味都令人好驚喜！其次就係服務態度好貼心，服務生會好親切咁問你D野岩唔岩食，又會好樂意同你分享每道菜既meaning～💖價錢上雖然係較高價，但各方面都做得好出色👍🏻而且地點方便，裝修又好有格調，如果budget 有限可以考慮叫套餐，性價比會再高D😎
张贴
