爆爆鍋 (已結業)

牛大人副線爆爆鍋 主打台式一人一鍋 人均都係百幾蚊🥘先揀主餐(12款肉類) 再揀鍋底(6款選擇) 之後揀白飯/寬粉/米粉 仲可以追加台灣地道小食QR code落單之後 就可以去自助區攞蔬菜同醬汁🥬ꕥ SRF極黑牛前肩肉套餐ꕥ 安格斯牛小排套餐無諗到一人一鍋嘅牛肉擺盤都咁精美✨前肩肉好嫩滑 牛味濃郁 而牛小排油花均勻 軟熟而不失彈性🐂ꕥ 爆炒燒酒烏雞鍋鍋送到時 職員會即席爆炒烏雞 落酒時仲爆火效果🔥湯底帶有輕微酒香 烏雞都幾滑ꕥ 夜市養生排骨鍋呢款湯底有少少藥材味 好有養生嘅感覺😸同樣都好足料 入面有件大排骨 啲肉煮到好軟稔 索晒湯好好味🤤套餐仲包咗啲丸類/菇/蜆等 都好豐富🥢而我哋分別揀咗米粉同寬粉ꕥ 手工松露海鮮丸ꕥ 懷念鹽酥雞呢兩樣都係額外追加嘅 松露海鮮丸好香 入面仲有啲魷魚粒/墨魚粒 口感好好🐙鹽酥雞香口得嚟一啲都唔油膩 仲好有肉汁添🐔