瓊天 (已結業)

小店位於銅鑼灣，以每日新鮮到港嘅脫骨海南雞同走地文昌雞為招牌菜，另外亦提供多款由各種名貴材料熬製燉超過8小時而成嘅養生燉湯，價錢親民，店員服務態度十分友善，而且地點十分方便，經過可以一試🧡皇牌燉湯飯餐做緊優惠價，飯類四選一配燉湯五選一，主食要咗海南雞配油飯同醬香梅菜扣肉飯，海南雞嫩滑多汁，無骨啖啖肉，油飯又香又軟糯、梅菜扣肉超級肥美，鹹香度十足，配飯一流！燉湯叫咗石斛太子參無花果同花旗參鮑魚紅棗燉唐排，前者材料有石斛、太子参、無花果、唐排等，滋陰清熱、補益脾肺、盆氣生津，夏天必選、後者有花旗參、鮑魚、瑤柱、紅棗、桂圓肉等，滋潤明目，補肝益氣，各有千秋，性價比高！個人私心推介呢度嘅肉骨茶，排骨大大嚿，肉質嫩滑，肉骨分離，湯底清甜，滋補，藥材味唔重，大人小朋友都適合，而且飲完唔會覺得口渴或感覺有味精，湯飯好好味，絕對值得一試☺️ 飲品選擇好多，紅豆冰都有原味、奶茶同咖啡！食完正餐當然唔少得甜品，雖然好飽但都叫咗幾款試試，綠豆沙偏水，唔係沙沙口感，紅豆沙都OK，甜度適中，建議可以將兩款撈埋一齊食～ 紫米露帶點咬口，西米糕最好食，口感層次十分豐富， 充滿椰香味，香滑可口❤️