影片
港铁铜锣湾站 B 出口, 步行约1分钟
继续阅读
营业时间
星期一至四
11:45 - 20:45
星期五至六
11:45 - 21:45
星期日
11:45 - 20:45
以上资料只供参考，请与餐厅确认详情
古法羊腩饭不是碟头饭咁简单！似足一煲迷你羊腩煲，有香喷喷南乳优质羊腩，枝竹，厚花菇，马蹄都有两大粒，仲有唐生菜垫底。仲包杯饮料。太好味了，食完暖笠笠，连汁都打包拎走，一滴都无浪费！
继续阅读
位于铜锣湾轩尼诗道专食鸡既｢琼天｣叹海南鸡 佢哋嘅海南鸡系标榜无激素～又系文昌鸡～咁就嚟带个韩国朋友试吓唔同口味既鸡首先心灵鸡汤系超正🥰个人本身好钟意饮汤～海南鸡油鸡饭（咁个鸡几嫩滑几好味嘅，唯一美中不足系个饭唔够油同埋唔够热，系好似冻冻地）咁我同朋友都一定叫咗一个嘅～都系同样觉得唔够油同埋唔够热，整体上都系好食嘅咁希望大家见到我呢个食评或者大家再食嘅时候就同佢讲一讲声，希望个饭系热少少同埋有少少啦😊
继续阅读
👧🏻😋👅🍽✨铜锣湾必食出色小店🐓-☀️ 门口挂住一只只涨卜卜肥鸡, 除左招牌海南鸡,亦有多款特色饭, 面, 小食, 全日套餐包饮品只需$63起, 仲有自家制8小时足料炖汤, 款式之多系日日食都唔会闷☀️ 全店采用无激素鸡, 除左堂食多选择, 店外亦有售无添加方便𩠌包汤包, 斩料加只鸡又一个靓𩠌, 完全系养生健康抵食之选-🐓 招牌脱骨海南鸡（半只） $128💯真心好滑! 就算鸡胸肉都唔削; 有油香但食得多都唔会觉得肥腻💯黑酱油每枱都有一枝, 另上姜葱同酸辣酱, 少少偏酸冇出面咁咸比较清新-🍲 皇牌炖汤饭餐 $99✨炖汤六选一各有功效, 拣左五指毛桃炖海底椰北菇炖唐排 清肝降火, 润肺止咳✨鸡脚同唐排都炖到好腍, 连猪肉都俾我清晒, 唔明点解可以做到煲到出晒味个汤好鲜甜但猪肉依然完全唔柴的😂✨霸王麻香口水鸡饭个酱都唔敷衍, 麻香十足配上香滑鸡肉劲送饭-🍱特色客饭 💯葱油鸡扒煎双蛋饭 $58 葱油劲邪恶, 个鸡扒淋上左秘制酱油咸咸甜甜, 肉质又弹滑鸡皮煎得香脆💯泰式猪颈肉煎双蛋饭 $60 猪颈肉切成幼条状好香脆, 当小食可能更开心, 但点左鸡酱都好送饭-🥠小食✨莲藕饼 $8 大大块入面真系有爽脆莲藕粒, 肉饼硬度适中唔会太实亦唔太削, 外脆内软真唔错✨炸特级虾枣 $35 比我想像中细份, 但好在虾肉好弹牙同埋唔会炸太油, 食到虾肉鲜味-🥥 饮品💯饭餐加$8就有IF椰青水, 大大杯冻冰冰清甜解腻好抵饮
继续阅读
食一餐养生饭𩠌，顿觉肠胃舒服点☺️铜锣湾有间专门食海南鸡嘅小店，有无激素鸡同炖汤，今日决定嚟食吓！海南鸡拼肉骨茶标榜用无激素海南鸡，鸡肉滑嫩，份量多，其中有一个套餐配埋肉骨茶，好丰富。脱骨海南鸡捞檬海南鸡拼捞檬比较创新，用日式芝麻酱捞，都几夹㖞。五指毛桃海底椰北菇炖唐排｜花胶螺头桂圆汤两个炖汤都非常足料，热辣辣原盅上，所有材料嘅精华都系汤入面。上汤浸菜心｜马来黑叉烧 上汤内有虫草花同红枣，叉烧比平时食开嘅唔同，偏瘦无肥膏。
继续阅读
大病初愈朋友，为了健康，坚持食无激素鸡，还特意推介琼天，激赞这里的海南鸡，是夜特意前来一试 🥰🥰小餐厅的布置还算有心思，座位宽敞舒适。点了海南鸡拼肉骨茶 $88，追加菜心及冻柠茶。餐厅选用无激素去骨海南鸡，有惊喜！肉质嫩滑有鸡味，甚为难得的高质鸡饭。肉骨茶药材味浓郁，绝无欺场！👍👍小食大满贯，点了藕饼、鸭舌、黑叉烧及猪手，真是小钱大满足！香煎莲藕饼4块 $32 ，猪肉饼有质感，有莲藕粒粒，爽口。花雕醉鸭舌$32 ，鸭舌爽身，花雕味道浓郁，真材实料。马来黑叉烧$32，口感跟传统叉烧有点不同，有新意！蒜泥无骨猪手$32，蒜泥带辣，去骨方便进食，有咬口，味道不错。泰式猪颈肉饭$60，加$20有芥兰及冻柠茶。猪颈肉烟烟韧韧，加上吸睛太阳蛋，丝苗白饭，正！枱面上的酱油，必食必食，味道带点甜味，加在任何食物上都好味。追加炖汤花胶螺头桂圆汤$60，炖汤清甜滋润，汤料足，轻易食到有花胶、螺头，桂圆 👍👍海南鸡出色，不枉此行！
继续阅读