鮨真 (已結業)

walk in去食。一去到店員問我地有冇訂台,仲以為冇得食添。不過坐左冇耐又將我地調去高台。我覺得坐位安排上可以做得好d。叫左個吉列豬。真係一流。外面炸到岩岩好，ｄ炸糠份量都恰到好處，薄薄的一層包住塊豬扒。一咬落去，食到ｄ肉質好嫰，完全唔會怕有痴牙既危機加上個醬汁送飯食，比多碗飯我都食到呀！另外叫左個銀雪魚。細細個周不時會食銀雪魚。宜家既銀雪魚愈食愈貴…而且係超市買返去整既都唔新鮮，好難自己煮。呢度既銀雪魚真係好出色，肉身夠白，食落去好滑。Ｄ人話多數唔新鮮既都會拎去煎。而新鮮既唔會怕拎去燒或焗，都唔會腥！呢個照燒銀雪魚真係食過返尋味。加埋Ｄ甜醬油。我又可以食多幾碗飯啦！另外Lunch set有蒸蛋，沙律同甜品。雪糕既碟都係冰凍既，絕唔馬虎。見到其他客人都係食ＯＭＡＫＡＳＥ多。佢地坐係ＢＡＲ台同廚師有講有笑。下次都黎試下先。