「肉肉大米」主打現場即造和牛漢堡排，我哋今次試咗原味和牛漢堡排、芝士和牛漢堡排，同埋青咖喱和牛漢堡排。
上漢堡排之前，職員會提供多款醬汁和調味料，可以根據自己嘅口味隨意搭配。套餐仲包咗香濃嘅魚蛋菇菌麵豉湯、珍珠米飯，同埋西蘭花🥦，以上三樣都係無限量追加！抵食到爆！因為碗麵豉湯真係太香濃好味，我哋 encore 咗兩碗！職員會分次將套餐中嘅漢堡排送上。
原味和牛漢堡排——職員會將即場搓嘅漢堡排煎到6-7成熟，放到座位面前嘅小煎爐，隨時可以食；如果有特別口味，仲可以按需求煎到合適熟度再食用，牛肉既香氣，令人念念不忘。🤤
芝士和牛漢堡——喺原味漢堡排上加上一塊車打芝士煎熟，送到小煎爐前，職員會即場刨上芝士絲，食起來有拉絲效果，令人心動！🧀
期間限定青咖喱漢堡排（微辣）——漢堡排煎熟後放上微辣嘅青咖喱，配上菠蘿同青醬，真係另一番享受！
