天吉屋 (已結業)

這間以食天婦羅為名的餐廳，食物款式不多，全部都是天婦羅為主，但貴精不貴多的大前題下，食物質素果然係高質。餐廳供應的牛蒡茶、醃蘿蔔及牛蒡等，另外還有椰菜沙律伴柚子汁，酸甜開胃。味噌湯清甜帶咸香味，還有蘿蔔洋蔥等配料。軟殼蟹丼軟殼蟹、皇帝菜及櫻花蝦、茄子、南瓜及溫泉蛋舖滿了飯面，真係餸仲多過飯，天婦羅雖然炸過，但完全不油膩，而且粉漿很薄又脆。天幕御膳天婦羅有黑虎蝦、海紅鯛配紫蘇葉、軟殼蟹、炸洋葱及魷魚、茄子、南瓜、炸紫菜及四季豆，款式甚多，而這個御膳有三款食法，可以分開先食天婦羅，亦可以放在飯面淋上天丼汁或是鰹魚湯，我自己就覺得分開食，可以食到天婦羅的香脆，但淋鰹魚湯拌飯就特別鮮味。食物份量超多，食完天婦羅已經九成飽，飯都食唔落。