咩記打邊爐

📍咩記打邊爐｜打邊爐界嘅隱世高人🔥未落單已經聞到隔離枱蜆香～我哋一行人即刻點咗個【卜卜蜆濃湯鍋】，一打開蓋——蜆嘅鮮味好似打我塊面咁直接🫣🧄🥩【挑骨雪花牛】– 脂肪分佈靚到好似藝術品，涮5秒，入口即溶，肉汁直噴喉嚨！🐑【羔羊後腿肉】– 啲羊唔鬧人，又唔臊，完全係高質外表＋溫柔靈魂，港女都愛💘🦴【招牌高鈣肉】– 真心嫩！而且唔臊！食完想問老闆：你啲肉係唔係讀書讀得多所以咁斯文？📚🥹🥬 菜類方面：油麥菜鮮脆唔老，白藥蔔浸湯變成中藥界既豆腐，包仔豆腐真係「包到盡」，吸晒湯底精華～🫕🍑 飲品推介：【水果蜜桃茶】～啖啖果味+少少清甜，好啱平衡口腔，食肉唔會覺得膩😌⸻⚖️ 總結：如果你唔係為咩記而嚟，咁就真係錯過左火鍋界一位「溫文儒雅、內外兼備」嘅師兄👨🏻‍🍳💯下次再去我想打包個蜆湯返屋企做facial。