1. 風沙雞半隻
風沙雞係一個亮點，見好多人都有嗌，外皮炸得金黃香脆，咬落去啖啖肉汁，雞肉嫩滑得來帶點蒜香同香料嘅獨特風味。調味啱啱好，唔會太鹹，食完一塊仲想再食多塊！半隻份量剛好。
2. 咕嚕肉
經典嘅咕嚕肉幾好食！酸甜醬汁濃稠得宜，裹住每塊豬肉都均勻，酸酸甜甜嘅味道好開胃。豬肉炸得外脆內嫩，仲有啲菠蘿同青紅椒增添口感同色澤，係一道老少咸宜嘅菜！
3. 西蘭花花枝帶子
西蘭花普通，花枝同帶子新鮮彈牙，炒得火候幾好，保留咗食材嘅原味。
4. 蠔餅
蠔餅係我覺得最好食！外層煎得香脆，內裡軟糯，滿滿嘅蠔肉同蔥花爆發出濃郁嘅海鮮香。每一啖都食到蠔嘅鮮味同餅嘅蛋香完美融合，配上少少辣醬或者醋，真係唔錯。
1
